Sòm 119
1 ALÈPH. A la beni se (sila) ak chemen ki san fot yo, ki mache nan lalwa SENYÈ a.
| אשרי תמימי דרך ההלכים בתורת יהוה׃ |
2 A la beni se (sila) ki kenbe temwayaj Li yo, Ki chache Li ak tout kè yo.
| אשרי נצרי עדתיו בכל לב ידרשוהו׃ |
3 Ki pa fè okenn inikite. Yo mache nan chemen Li yo.
| אף לא פעלו עולה בדרכיו הלכו׃ |
4 Ou te òdone règleman Ou yo, pou nou ta kenbe yo ak dilijans.
| אתה צויתה פקדיך לשמר מאד׃ |
5 O ke chemen mwen yo kapab vin etabli pou kenbe règleman Ou yo!
| אחלי יכנו דרכי לשמר חקיך׃ |
6 Konsa, mwen p ap vin desi lè m gade kòmandman Ou yo.
| אז לא אבוש בהביטי אל כל מצותיך׃ |
7 Mwen va bay Ou remèsiman avèk yon kè ki dwat, lè mwen aprann jijman dwat Ou yo.
| אודך בישר לבב בלמדי משפטי צדקך׃ |
8 Mwen va kenbe règleman Ou yo. Pa abandone m nèt! BETH
| את חקיך אשמר אל תעזבני עד מאד׃ |
9 Kijan yon jennonm kapab kenbe wout li yo san fot? Nan kenbe li selon pawòl Ou.
| במה יזכה נער את ארחו לשמר כדברך׃ |
10 Ak tout kè mwen, mwen te chache Ou. Pa kite mwen vin egare e kite lòd Ou yo.
| בכל לבי דרשתיך אל תשגני ממצותיך׃ |
11 Pawòl Ou yo, mwen te kenbe yo nan kè m, pou m pa t peche kont Ou.
| בלבי צפנתי אמרתך למען לא אחטא לך׃ |
12 Beni se Ou menm SENYÈ a. Enstwi mwen nan règleman Ou yo.
| ברוך אתה יהוה למדני חקיך׃ |
13 Avèk lèv mwen, mwen te pale selon tout òdonans bouch Ou yo.
| בשפתי ספרתי כל משפטי פיך׃ |
14 Mwen te rejwi nan chemen temwayaj Ou yo, konsi se nan tout richès yo.
| בדרך עדותיך ששתי כעל כל הון׃ |
15 Mwen va reflechi sou règleman Ou yo, e okipe chemen Ou yo.
| בפקדיך אשיחה ואביטה ארחתיך׃ |
16 Mwen va rejwi nan lòd Ou yo. Mwen p ap bliye pawòl Ou. GIMEL
| בחקתיך אשתעשע לא אשכח דברך׃ |
17 Aji ak gras avèk sèvitè Ou a, pou m kab viv e kenbe pawòl Ou.
| גמל על עבדך אחיה ואשמרה דברך׃ |
18 Ouvri zye m pou m kab wè bèl bagay nan lalwa Ou yo.
| גל עיני ואביטה נפלאות מתורתך׃ |
19 Mwen se yon etranje sou latè. Pa kache kòmandman Ou yo de mwen.
| גר אנכי בארץ אל תסתר ממני מצותיך׃ |
20 Nanm mwen kraze ak anvi pou òdonans Ou yo tout tan.
| גרסה נפשי לתאבה אל משפטיך בכל עת׃ |
21 Ou repwoche ògeye yo, moun madichonnen yo, k ap egare kite kòmandman Ou yo.
| גערת זדים ארורים השגים ממצותיך׃ |
22 Retire repwòch ak mepri a sou mwen, paske mwen obsève temwayaj Ou yo.
| גל מעלי חרפה ובוז כי עדתיך נצרתי׃ |
23 Malgre prens yo vin chita pou pale kont mwen, Sèvitè Ou va reflechi tout tan sou règleman Ou yo.
| גם ישבו שרים בי נדברו עבדך ישיח בחקיך׃ |
24 Anplis, temwayaj Ou yo se plezi mwen ak konseye mwen yo. DALETH
| גם עדתיך שעשעי אנשי עצתי׃ |
25 Nanm mwen kole rèd nan pousyè a. Fè m leve selon pawòl Ou.
| דבקה לעפר נפשי חיני כדברך׃ |
26 Mwen te pale sou chemen mwen yo, e Ou te reponn mwen. Enstwi mwen nan règleman Ou yo.
| דרכי ספרתי ותענני למדני חקיך׃ |
27 Fè m konprann chemen òdonans Ou yo, pou m kab reflechi tout tan sou mèvèy Ou yo.
| דרך פקודיך הבינני ואשיחה בנפלאותיך׃ |
28 Nanm mwen ap kriye akoz doulè. Ban m fòs selon pawòl Ou a.
| דלפה נפשי מתוגה קימני כדברך׃ |
29 Retire sou mwen fo chemen an e ban mwen gras nan lalwa Ou a.
| דרך שקר הסר ממני ותורתך חנני׃ |
30 Mwen te chwazi chemen fidèl Ou a. Mwen te mete òdonans Ou yo devan m.
| דרך אמונה בחרתי משפטיך שויתי׃ |
31 Mwen kole rèd de temwayaj Ou yo. O SENYÈ, pa fè m desi.
| דבקתי בעדותיך יהוה אל תבישני׃ |
32 Mwen va kouri nan vwa kòmandman Ou yo, paske Ou va fè kè m vin grandi. HE
| דרך מצותיך ארוץ כי תרחיב לבי׃ |
33 Enstwi mwen, O SENYÈ, nan chemen règleman Ou yo e mwen va obsève li jiska lafen.
| הורני יהוה דרך חקיך ואצרנה עקב׃ |
34 Ban mwen bon konprann, pou m kab obsève lalwa Ou. Konsa, mwen va kenbe li ak tout kè m.
| הבינני ואצרה תורתך ואשמרנה בכל לב׃ |
35 Fè m mache nan pa kòmandman Ou yo, paske sa fè kè m kontan.
| הדריכני בנתיב מצותיך כי בו חפצתי׃ |
36 Enkline kè m a temwayaj Ou yo, e pa nan ranmase richès malonèt.
| הט לבי אל עדותיך ואל אל בצע׃ |
37 Vire zye m pou yo pa gade vanite e fè m reprann mwen nan chemen Ou yo.
| העבר עיני מראות שוא בדרכך חיני׃ |
38 Etabli pawòl Ou a Sèvitè Ou a, kon (sila) ki gen lakrent Ou.
| הקם לעבדך אמרתך אשר ליראתך׃ |
39 Detounen lwen m repwòch Ou ke mwen krent anpil, paske òdonans Ou yo bon.
| העבר חרפתי אשר יגרתי כי משפטיך טובים׃ |
40 Gade byen, mwen gen anpil anvi pou òdonans Ou yo! Fè m remonte nan ladwati Ou. VAV
| הנה תאבתי לפקדיך בצדקתך חיני׃ |
41 Anplis, ke lanmou dous Ou a kapab rive kote mwen, O SENYÈ, sali Ou a selon pawòl Ou.
| ויבאני חסדך יהוה תשועתך כאמרתך׃ |
42 Pou m kab genyen yon repons pou (sila) ki repwoche m nan, paske mwen mete konfyans mwen nan pawòl Ou.
| ואענה חרפי דבר כי בטחתי בדברך׃ |
43 Pa retire pawòl verite a pou l ta kite bouch mwen nèt, Paske se òdonans Ou yo ke m ap tann.
| ואל תצל מפי דבר אמת עד מאד כי למשפטך יחלתי׃ |
44 Konsa, mwen va kenbe lalwa Ou tout tan nèt, pou tout tan e pou tout tan.
| ואשמרה תורתך תמיד לעולם ועד׃ |
45 Epi mwen va mache nan libète, paske se òdonans Ou ke m chache.
| ואתהלכה ברחבה כי פקדיך דרשתי׃ |
46 Anplis, mwen va pale sou temwayaj Ou yo devan wa yo, e mwen p ap desi.
| ואדברה בעדתיך נגד מלכים ולא אבוש׃ |
47 Mwen va pran plezi nan kòmandman Ou yo, ke mwen tèlman renmen.
| ואשתעשע במצותיך אשר אהבתי׃ |
48 Mwen va lonje men m vè kòmandman Ou yo ke m tèlman renmen. Mwen va reflechi tout tan sou règleman Ou yo. ZAYIN
| ואשא כפי אל מצותיך אשר אהבתי ואשיחה בחקיך׃ |
49 Sonje pawòl a sèvitè Ou a. Se nan li Ou te fè m gen espwa a.
| זכר דבר לעבדך על אשר יחלתני׃ |
50 Se sa ki ban m rekonfò nan mizè mwen an, paske se pawòl Ou ki fè m rekouvri fòs.
| זאת נחמתי בעניי כי אמרתך חיתני׃ |
51 Moun awogan yo meprize m nèt, men mwen pa vire kite lalwa Ou.
| זדים הליצני עד מאד מתורתך לא נטיתי׃ |
52 Mwen te sonje òdonans Ou yo depi nan tan ansyen, O SENYÈ, e yo rekonfòte mwen.
| זכרתי משפטיך מעולם יהוה ואתנחם׃ |
53 Chalè endiyasyon gen tan pran m akoz mechan yo, ki abandone lalwa Ou.
| זלעפה אחזתני מרשעים עזבי תורתך׃ |
54 Règleman Ou yo se chanson mwen nan kay kote m demere.
| זמרות היו לי חקיך בבית מגורי׃ |
55 O SENYÈ, Mwen sonje non Ou nan lannwit e mwen kenbe lalwa Ou.
| זכרתי בלילה שמך יהוה ואשמרה תורתך׃ |
56 Se sa ki chemen m, mwen kenbe tout òdonans Ou yo. HETH
| זאת היתה לי כי פקדיך נצרתי׃ |
57 Se SENYÈ a ki pòsyon mwen. Mwen te fè pwomès pou kenbe pawòl Ou yo.
| חלקי יהוה אמרתי לשמר דבריך׃ |
58 Mwen te chache favè Ou ak tout kè m. Fè m gras selon pawòl Ou.
| חליתי פניך בכל לב חנני כאמרתך׃ |
59 Mwen te konsidere chemen mwen yo, e te vire pye m vè temwayaj Ou yo.
| חשבתי דרכי ואשיבה רגלי אל עדתיך׃ |
60 Mwen te fè vit e mwen pa t fè reta pou obeyi kòmandman Ou yo.
| חשתי ולא התמהמהתי לשמר מצותיך׃ |
61 Kòd a mechan yo te antoure m, men mwen pa t bliye lalwa Ou.
| חבלי רשעים עודני תורתך לא שכחתי׃ |
62 A minwi, mwen va leve bay Ou remèsiman, akoz òdonans dwat Ou yo.
| חצות לילה אקום להודות לך על משפטי צדקך׃ |
63 Mwen se zanmi parèy a tout (sila) ki gen lakrent Ou yo ak (sila) ki swiv règleman Ou yo.
| חבר אני לכל אשר יראוך ולשמרי פקודיך׃ |
64 Latè ranpli ak lanmou dous Ou a, O SENYÈ. Enstwi m règleman Ou yo. TETH
| חסדך יהוה מלאה הארץ חקיך למדני׃ |
65 Ou te aji ak sèvitè Ou a, O SENYÈ, selon pawòl Ou.
| טוב עשית עם עבדך יהוה כדברך׃ |
66 Enstwi mwen pou m sèvi bon jijman ak konesans, Paske mwen kwè nan kòmandman Ou yo.
| טוב טעם ודעת למדני כי במצותיך האמנתי׃ |
67 Avan mwen te aflije, mwen te mache nan wout egare, men koulye a, mwen swiv pawòl Ou.
| טרם אענה אני שגג ועתה אמרתך שמרתי׃ |
68 Ou bon e Ou fè sa ki bon. Enstwi mwen nan règleman Ou yo.
| טוב אתה ומטיב למדני חקיך׃ |
69 Awogan yo te fòje yon manti kont mwen. Avèk tout kè m, mwen va obsève tout òdonans Ou yo.
| טפלו עלי שקר זדים אני בכל לב אצר פקודיך׃ |
70 Kè yo rèd, kouvri ak grès, men mwen pran plezi nan lalwa Ou.
| טפש כחלב לבם אני תורתך שעשעתי׃ |
71 Li bon pou mwen ke m te aflije, pou m te kab aprann règleman Ou yo.
| טוב לי כי עניתי למען אלמד חקיך׃ |
72 Lalwa bouch Ou pi bon pou mwen, pase pyès lò ak ajan pa milye. YODH
| טוב לי תורת פיך מאלפי זהב וכסף׃ |
73 Men Ou te fè m e te fòme mwen. Ban m bon konprann pou m kab aprann kòmandman Ou yo.
| ידיך עשוני ויכוננוני הבינני ואלמדה מצותיך׃ |
74 Ke (sila) ki krent Ou yo kapab wè m e fè kè kontan. Paske mwen mete espwa m pawòl Ou yo.
| יראיך יראוני וישמחו כי לדברך יחלתי׃ |
75 Mwen konnen, O SENYÈ, ke jijman Ou yo dwat, ke se nan nan fidelite, Ou te aflije mwen.
| ידעתי יהוה כי צדק משפטיך ואמונה עניתני׃ |
76 O ke lanmou dous Ou a kapab konsole mwen, Selon pawòl Ou a sèvitè Ou a.
| יהי נא חסדך לנחמני כאמרתך לעבדך׃ |
77 Ke mizerikòd Ou kapab rive kote mwen, pou m kab viv, paske lalwa Ou se plezi mwen.
| יבאוני רחמיך ואחיה כי תורתך שעשעי׃ |
78 Ke awogan yo kapab vin desi, paske yo desann mwen, ranvèse mwen ak manti. Men mwen va reflechi tout tan sou òdonans Ou yo.
| יבשו זדים כי שקר עותוני אני אשיח בפקודיך׃ |
79 Ke (sila) ki krent Ou yo kapab vire kote mwen. Yo va konnen règleman Ou yo.
| ישובו לי יראיך וידעו עדתיך׃ |
80 Ke kè m kapab san tò nan règleman Ou yo, pou m pa vin desi. KAPH
| יהי לבי תמים בחקיך למען לא אבוש׃ |
81 Nanm mwen fè gwo anvi pou sali Ou. Se pawòl Ou m ap tann.
| כלתה לתשועתך נפשי לדברך יחלתי׃ |
82 Zye m vin ba ak anvi pawòl Ou, pandan m ap di: “Kilè W ap vin konsole mwen?”
| כלו עיני לאמרתך לאמר מתי תנחמני׃ |
83 Sepandan, mwen vin tankou yon vye kwi diven k ap pran lafimen, Mwen pa bliye règleman Ou yo.
| כי הייתי כנאד בקיטור חקיך לא שכחתי׃ |
84 Konbyen jou sèvitè Ou gen? Se kilè Ou va pase jijman sou (sila) ki pèsekite mwen yo?
| כמה ימי עבדך מתי תעשה ברדפי משפט׃ |
85 Awogan yo fin fouye fòs yo pou mwen, (Sila) ki pa an akò ak lalwa Ou yo.
| כרו לי זדים שיחות אשר לא כתורתך׃ |
86 Tout kòmandman Ou yo fidèl. Se ak manti yo te pèsekite mwen. Fè m sekou!
| כל מצותיך אמונה שקר רדפוני עזרני׃ |
87 Yo te prèske fin detwi m sou latè, Men pou mwen, mwen pa t kite òdonans Ou yo.
| כמעט כלוני בארץ ואני לא עזבתי פקודיך׃ |
88 Fè m reprann mwen selon lanmou dous Ou a, Pou m kab kenbe temwayaj a bouch Ou yo. LAMEDH
| כחסדך חיני ואשמרה עדות פיך׃ |
89 Jis pou tout tan, O SENYÈ, pawòl Ou fin etabli nan syèl la.
| לעולם יהוה דברך נצב בשמים׃ |
90 Fidelite Ou pandan tout jenerasyon yo. Ou te etabli tè a e li vin kanpe nèt.
| לדר ודר אמונתך כוננת ארץ ותעמד׃ |
91 Yo kanpe nan jou sa a selon lòd Ou. Paske tout bagay se sèvitè Ou.
| למשפטיך עמדו היום כי הכל עבדיך׃ |
92 Si lalwa Ou pa t plezi mwen, mwen t ap gen tan peri nan mizè mwen an.
| לולי תורתך שעשעי אז אבדתי בעניי׃ |
93 Mwen p ap janm bliye òdonans Ou yo, Paske se avèk yo menm ke Ou fè m reprann fòs.
| לעולם לא אשכח פקודיך כי בם חייתני׃ |
94 Se pa W mwen ye. Fè m sekou! Paske mwen te chache òdonans Ou yo.
| לך אני הושיעני כי פקודיך דרשתי׃ |
95 Mechan yo ap tann mwen pou detwi m. Se ak dilijans ke mwen konsidere temwayaj Ou yo.
| לי קוו רשעים לאבדני עדתיך אתבונן׃ |
96 Mwen gen tan fin wè lizyè a tout pèfèksyon, men kòmandman Ou an vrèman vast. MEM
| לכל תכלה ראיתי קץ רחבה מצותך מאד׃ |
97 O! A la mwen renmen lalwa Ou a! Se sou li ke m reflechi tout lajounen.
| מה אהבתי תורתך כל היום היא שיחתי׃ |
98 Kòmandman Ou yo fè m pi saj pase ènmi m yo, Paske yo toujou pou mwen.
| מאיבי תחכמני מצותך כי לעולם היא לי׃ |
99 Mwen vin gen plis konprann pase tout pwofesè mwen yo, Paske temwayaj Ou yo se meditasyon mwen.
| מכל מלמדי השכלתי כי עדותיך שיחה לי׃ |
100 Mwen gen konprann plis pase granmoun yo, akoz mwen te swiv òdonans Ou yo.
| מזקנים אתבונן כי פקודיך נצרתי׃ |
101 Mwen te anpeche pye m antre nan tout wout ki gen mechanste, Pou m te kab kenbe pawòl Ou.
| מכל ארח רע כלאתי רגלי למען אשמר דברך׃ |
102 Mwen pa t vire kite règleman Ou yo, paske se Ou menm ki te enstwi m.
| ממשפטיך לא סרתי כי אתה הורתני׃ |
103 A la pawòl Ou yo dous nan gou mwen! Wi, pi dous pase siwo myèl nan bouch mwen!
| מה נמלצו לחכי אמרתך מדבש לפי׃ |
104 Soti nan òdonans Ou yo, mwen jwenn bon konprann. Pou sa, mwen rayi tout fo chemen yo. NUN
| מפקודיך אתבונן על כן שנאתי כל ארח שקר׃ |
105 Pawòl Ou se yon lanp pou pye m, e yon limyè nan pa pye mwen.
| נר לרגלי דברך ואור לנתיבתי׃ |
106 Mwen te sèmante e mwen va konfime sa, Ke m va kenbe òdonans Ou yo.
| נשבעתי ואקימה לשמר משפטי צדקך׃ |
107 Mwen vin aflije anpil, anpil; fè m reprann fòs mwen, O SENYÈ, selon pawòl Ou.
| נעניתי עד מאד יהוה חיני כדברך׃ |
108 O aksepte ofrann bòn volonte a bouch mwen an, O SENYÈ, enstwi mwen nan òdonans Ou yo.
| נדבות פי רצה נא יהוה ומשפטיך למדני׃ |
109 Lavi m tout tan nan men m, malgre, mwen pa bliye lalwa Ou a.
| נפשי בכפי תמיד ותורתך לא שכחתי׃ |
110 Mechan yo te poze yon pèlen pou mwen, malgre, mwen pa t varye soti nan òdonans Ou yo.
| נתנו רשעים פח לי ומפקודיך לא תעיתי׃ |
111 Mwen te eritye temwayaj Ou yo pou tout tan, paske se yo ki lajwa kè m.
| נחלתי עדותיך לעולם כי ששון לבי המה׃ |
112 Mwen te enkline kè m pou fè règleman Ou yo jis pou tout tan, jiska lafen. SAMEKH
| נטיתי לבי לעשות חקיך לעולם עקב׃ |
113 Mwen rayi moun ki gen de fas, men mwen renmen lalwa Ou a.
| סעפים שנאתי ותורתך אהבתי׃ |
114 Ou se kote a pou m kache a ak boukliye mwen, Mwen ap mete espwa m nan pawòl Ou.
| סתרי ומגני אתה לדברך יחלתי׃ |
115 Kite mwen, malfektè, pou m kab swiv kòmandman a Bondye mwen yo.
| סורו ממני מרעים ואצרה מצות אלהי׃ |
116 Soutni mwen selon pawòl Ou, pou m kab viv. Pa kite mwen vin wont nan espwa mwen.
| סמכני כאמרתך ואחיה ואל תבישני משברי׃ |
117 Kenbe mwen pou m kab jwenn sekou, pou m gen konsiderasyon pou règleman Ou yo tout tan.
| סעדני ואושעה ואשעה בחקיך תמיד׃ |
118 Ou te rejte tout (sila) ki te egare kite règleman Ou yo, paske sediksyon yo a pa reyisi.
| סלית כל שוגים מחקיך כי שקר תרמיתם׃ |
119 Ou te fè tout mechan sou latè yo disparèt tankou kim initil. Pou sa, mwen renmen temwayaj Ou yo.
| סגים השבת כל רשעי ארץ לכן אהבתי עדתיך׃ |
120 Chè m ap tranble akoz lakrent Ou menm, e mwen gen laperèz jijman Ou yo. AYIN
| סמר מפחדך בשרי וממשפטיך יראתי׃ |
121 Mwen te fè sa ki jis e dwat. Pa kite mwen nan men opresè mwen yo.
| עשיתי משפט וצדק בל תניחני לעשקי׃ |
122 Aji kon soutyèn pou bonte a sèvitè Ou a. Pa kite awogan yo oprime mwen.
| ערב עבדך לטוב אל יעשקני זדים׃ |
123 Zye m bese ak anvi wè delivrans Ou, avèk pawòl ladwati Ou.
| עיני כלו לישועתך ולאמרת צדקך׃ |
124 Aji avèk sèvitè Ou selon lanmou dous Ou a e enstwi mwen nan règleman Ou yo.
| עשה עם עבדך כחסדך וחקיך למדני׃ |
125 Mwen se sèvitè Ou. Fè m konprann pou m konnen temwayaj Ou yo.
| עבדך אני הבינני ואדעה עדתיך׃ |
126 Se lè pou Ou aji, SENYÈ, paske yo te vyole lalwa Ou a.
| עת לעשות ליהוה הפרו תורתך׃ |
127 Pou sa, mwen renmen kòmandman Ou yo, plis pase lò, wi plis pase lò fen.
| על כן אהבתי מצותיך מזהב ומפז׃ |
128 Pou sa, mwen konsidere byen tout òdonans Ou yo selon tout bagay. Mwen rayi tout sa ki fo. PE
| על כן כל פקודי כל ישרתי כל ארח שקר שנאתי׃ |
129 Temwayaj Ou yo mèvèye. Akoz sa, nanm mwen toujou swiv yo.
| פלאות עדותיך על כן נצרתם נפשי׃ |
130 Lè pawòl Ou antre, li bay limyè. Li bay bon konprann a (sila) ki senp yo.
| פתח דבריך יאיר מבין פתיים׃ |
131 Mwen te louvri bouch mwen byen laj e te rale souf mwen byen vit. Se konsa mwen te gen anvi pou kòmandman Ou yo.
| פי פערתי ואשאפה כי למצותיך יאבתי׃ |
132 Vire kote mwen e fè m gras, menm jan ke Ou konn fè ak (sila) ki renmen non Ou yo.
| פנה אלי וחנני כמשפט לאהבי שמך׃ |
133 Byen etabli tout pa mwen yo nan pawòl Ou, e pa kite inikite vin domine sou mwen.
| פעמי הכן באמרתך ואל תשלט בי כל און׃ |
134 Rachte mwen anba opresyon a lòm, pou m kab kenbe òdonans Ou yo.
| פדני מעשק אדם ואשמרה פקודיך׃ |
135 Fè figi Ou klere sou sèvitè Ou a, e enstwi mwen nan règleman Ou yo.
| פניך האר בעבדך ולמדני את חקיך׃ |
136 Se rivyè dlo menm ki koule sòti nan zye m, akoz yo menm ki pa kenbe lalwa Ou a. TZADHE
| פלגי מים ירדו עיני על לא שמרו תורתך׃ |
137 Oudwat, O SENYÈ e jis se jijman Ou yo.
| צדיק אתה יהוה וישר משפטיך׃ |
138 Ou te kòmande tout temwayaj Ou yo ak ladwati. Yo fidèl nèt.
| צוית צדק עדתיך ואמונה מאד׃ |
139 Zèl mwen fin manje m nèt, akoz advèsè mwen yo te bliye pawòl Ou yo.
| צמתתני קנאתי כי שכחו דבריך צרי׃ |
140 Pawòl Ou san tach; akoz sa, sèvitè Ou a renmen yo anpil.
| צרופה אמרתך מאד ועבדך אהבה׃ |
141 Mwen vin piti e meprize. Mwen pa janm bliye òdonans Ou yo.
| צעיר אנכי ונבזה פקדיך לא שכחתי׃ |
142 Ladwati Ou se yon dwati ki jis pou tout tan e lalwa Ou se verite.
| צדקתך צדק לעולם ותורתך אמת׃ |
143 Twoub ak doulè gen tan rive sou mwen. Malgre kòmandman Ou yo se plezi mwen.
| צר ומצוק מצאוני מצותיך שעשעי׃ |
144 Temwayaj Ou yo dwat jis pou tout tan. Ban mwen bon konprann pou m kab viv. QOPH
| צדק עדותיך לעולם הבינני ואחיה׃ |
145 Mwen te kriye ak tout kè mwen. Reponn mwen, O SENYÈ! Mwen va swiv tout règleman Ou yo.
| קראתי בכל לב ענני יהוה חקיך אצרה׃ |
146 Mwen te kriye a Ou menm. Sove mwen! Mwen va obeyi tout regleman Ou yo.
| קראתיך הושיעני ואשמרה עדתיך׃ |
147 Mwen leve avan solèy leve pou kriye pou sekou. Mwen ap tann pawòl Ou yo.
| קדמתי בנשף ואשועה לדבריך יחלתי׃ |
148 Zye m rete ovèt pandan vè lanwit la, konsa, pou m kab reflechi san rete sou pawòl Ou.
| קדמו עיני אשמרות לשיח באמרתך׃ |
149 Tande vwa m selon lanmou dous Ou a. Fè m reprann fòs mwen, O SENYÈ, selon règleman Ou yo.
| קולי שמעה כחסדך יהוה כמשפטך חיני׃ |
150 (Sila) ki swiv mechanste yo apwoche. Yo lwen lalwa Ou a.
| קרבו רדפי זמה מתורתך רחקו׃ |
151 Ou toupre, O SENYÈ e tout kòmandman Ou yo se verite.
| קרוב אתה יהוה וכל מצותיך אמת׃ |
152 Depi nan tan ansyen yo, mwen te konnen de temwayaj Ou yo, ke Ou te etabli yo jis pou tout tan yo. RESH
| קדם ידעתי מעדתיך כי לעולם יסדתם׃ |
153 Gade sou afliksyon mwen an e delivre m, paske mwen pa bliye lalwa Ou a.
| ראה עניי וחלצני כי תורתך לא שכחתי׃ |
154 Plede kòz mwen e rachte mwen! Fè m reprann fòs mwen selon pawòl Ou.
| ריבה ריבי וגאלני לאמרתך חיני׃ |
155 Sali a lwen mechan yo, paske yo pa chache règleman pa W yo.
| רחוק מרשעים ישועה כי חקיך לא דרשו׃ |
156 Gran se mizerikòd Ou yo, O SENYÈ. Fè m reprann fòs mwen selon òdonans Ou yo.
| רחמיך רבים יהוה כמשפטיך חיני׃ |
157 Anpil se pèsekitè mwen yo, ak advèsè mwen yo. Malgre mwen pa vire kite temwayaj Ou yo.
| רבים רדפי וצרי מעדותיך לא נטיתי׃ |
158 Mwen gade moun trèt yo e mwen rayi yo nèt, akoz yo pa kenbe pawòl Ou.
| ראיתי בגדים ואתקוטטה אשר אמרתך לא שמרו׃ |
159 Konsidere jan mwen renmen òdonans Ou yo. Fè m reprann fòs, O SENYÈ, selon lanmou dous Ou a.
| ראה כי פקודיך אהבתי יהוה כחסדך חיני׃ |
160 Fòs Kantite tout pawòl Ou yo se verite, e tout règleman dwat Ou yo la jis pou tout tan. SIN AK SHIN
| ראש דברך אמת ולעולם כל משפט צדקך׃ |
161 Prens yo pèsekite mwen san koz, men kè m kanpe etonnen devan pawòl Ou yo.
| שרים רדפוני חנם ומדבריך פחד לבי׃ |
162 Mwen rejwi nan pawòl Ou kon yon moun ki jwenn gwo piyaj.
| שש אנכי על אמרתך כמוצא שלל רב׃ |
163 Mwen rayi tankou bagay abominab, tout sa ki fo. Men lalwa Ou a, mwen renmen l nèt.
| שקר שנאתי ואתעבה תורתך אהבתי׃ |
164 Sèt fwa pa jou mwen louwe Ou, akoz òdonans dwat Ou yo.
| שבע ביום הללתיך על משפטי צדקך׃ |
165 (Sila) ki renmen lalwa Ou yo gen gwo lapè. Pa gen anyen pou ta fè yo chite.
| שלום רב לאהבי תורתך ואין למו מכשול׃ |
166 Mwen espere gen Sali Ou, O SENYÈ. Mwen te fè kòmandman Ou yo.
| שברתי לישועתך יהוה ומצותיך עשיתי׃ |
167 Nanm mwen kenbe temwayaj Ou yo. Mwen renmen yo anpil anpil.
| שמרה נפשי עדתיך ואהבם מאד׃ |
168 Mwen kenbe òdonans Ou yo avèk temwayaj Ou yo, Paske se tout chemen mwen yo ki devan Ou. TAV
| שמרתי פקודיך ועדתיך כי כל דרכי נגדך׃ |
169 Kite kri mwen vini devan Ou, O SENYÈ. Ban mwen konesans selon pawòl Ou.
| תקרב רנתי לפניך יהוה כדברך הבינני׃ |
170 Kite siplikasyon mwen yo parèt devan Ou. Delivre mwen selon pawòl Ou.
| תבוא תחנתי לפניך כאמרתך הצילני׃ |
171 Kite lèv mwen eksprime lwanj, paske Ou enstwi mwen nan règleman Ou yo.
| תבענה שפתי תהלה כי תלמדני חקיך׃ |
172 Kite lang mwen chante de pawòl Ou, paske tout kòmandman Ou yo dwat.
| תען לשוני אמרתך כי כל מצותיך צדק׃ |
173 Kite men Ou parèt pou fè m sekou, paske mwen te chwazi òdonans Ou yo.
| תהי ידך לעזרני כי פקודיך בחרתי׃ |
174 Mwen anvi wè delivrans Ou, O SENYÈ. Lalwa Ou se gran plezi mwen.
| תאבתי לישועתך יהוה ותורתך שעשעי׃ |
175 Kite nanm mwen viv pou l kapab louwe Ou. Kite òdonans Ou yo ban m sekou.
| תחי נפשי ותהללך ומשפטך יעזרני׃ |
176 Mwen te vin egare tankou yon mouton pèdi. Chache jwenn sèvitè Ou a, paske mwen pa bliye kòmandman Ou yo.
| תעיתי כשה אבד בקש עבדך כי מצותיך לא שכחתי׃ |
