Sòm 115
1 Pa pou nou, O SENYÈ, pa pou nou, men pou Non Ou glwa bay, akoz lanmou dous Ou, akoz verite Ou.
| לא לנו יהוה לא לנו כי לשמך תן כבוד על חסדך על אמתך׃ |
2 Poukisa nasyon yo ta di: “Kote Bondye yo a ye koulye a?”
| למה יאמרו הגוים איה נא אלהיהם׃ |
3 Men Bondye nou an nan syèl yo. Li fè sa Li pito.
| ואלהינו בשמים כל אשר חפץ עשה׃ |
4 Zidòl yo se ajan ak lò, zèv men a lòm.
| עצביהם כסף וזהב מעשה ידי אדם׃ |
5 Yo gen bouch, men yo pa kab pale. Yo gen zye, men yo pa kab wè.
| פה להם ולא ידברו עינים להם ולא יראו׃ |
6 Yo gen zòrèy, men yo pa kab tande. Yo gen nen, men yo pa kab santi anyen.
| אזנים להם ולא ישמעו אף להם ולא יריחון׃ |
7 Yo gen men, men yo pa kab manyen. Yo gen pye, men yo pa kab mache. Nanpwen okenn bri ki sòti nan gòj yo.
| ידיהם ולא ימישון רגליהם ולא יהלכו לא יהגו בגרונם׃ |
8 (Sila) ki mete konfyans nan yo va tankou yo. Wi, tankou tout moun ki fè yo konfyans yo.
| כמוהם יהיו עשיהם כל אשר בטח בהם׃ |
9 O Israël, mete konfyans ou nan SENYÈ a! Se Li menm ki sekou ak boukliye yo.
| ישראל בטח ביהוה עזרם ומגנם הוא׃ |
10 O lakay Aaron, mete konfyans ou nan SENYÈ a; Se Li menm ki sekou ak boukliye yo.
| בית אהרן בטחו ביהוה עזרם ומגנם הוא׃ |
11 Nou menm ki gen lakrent SENYÈ a, mete konfyans nou nan SENYÈ a. Se Li menm ki sekou yo ak boukliye yo.
| יראי יהוה בטחו ביהוה עזרם ומגנם הוא׃ |
12 SENYÈ a te toujou sonje nou. Li va beni nou. Li va beni lakay Israël la. Li va beni lakay Aaron an.
| יהוה זכרנו יברך יברך את בית ישראל יברך את בית אהרן׃ |
13 Li va beni (sila) ki krent SENYÈ yo, piti kon gran.
| יברך יראי יהוה הקטנים עם הגדלים׃ |
14 Ke SENYÈ a kab fè nou grandi plis, nou menm ak pitit nou yo.
| יסף יהוה עליכם עליכם ועל בניכם׃ |
15 Ke nou ta vin beni pa SENYÈ a, Kreyatè syèl la ak tè a.
| ברוכים אתם ליהוה עשה שמים וארץ׃ |
16 Syèl yo se Syèl SENYÈ a, Men latè, Li te bay li a fis a lòm yo.
| השמים שמים ליהוה והארץ נתן לבני אדם׃ |
17 Mò yo pa louwe SENYÈ a, ni (sila) ki desann antre nan silans yo.
| לא המתים יהללו יה ולא כל ירדי דומה׃ |
18 Men nou va beni SENYÈ a, soti nan moman sa a e rive jis pou tout tan. Louwe SENYÈ la!
| ואנחנו נברך יה מעתה ועד עולם הללו יה׃ |
