Sòm 101

1 Yon Sòm David Mwen va chante de lanmou dous avèk jistis. A Ou menm, O SENYÈ, mwen va chante lwanj.

I will sing of mercy and judgment: unto you, O LORD, will I sing.

2 Mwen va prete atansyon a chemen san repwòch la. Kilè Ou va vini kote mwen? Mwen va mache anndan lakay mwen ak entegrite nan kè m.

I will behave myself wisely in a perfect way. O when will you come unto me? I will walk within my house with a perfect heart.

3 Mwen p ap mete okenn vye bagay devan zye m. Mwen rayi zèv a (sila) ki chite yo. Sa p ap tache men l sou mwen.

I will set no wicked thing before mine eyes: I hate the work of them that turn aside; it shall not cleave to me.

4 Yon kè ki pèvès va oblije kite prezans mwen. Mwen p ap aksepte konnen okenn mal.

A perverse heart shall depart from me: I will not know a wicked person.

5 Nenpòt moun ki bay vwazen li kout lang an sekrè, li menm, mwen va detwi. Nenpòt moun ak rega awogan oswa ògèy, mwen p ap sipòte li.

Whoso privately slanders his neighbour, him will I cut off: him that has an high look and a proud heart will not I suffer.

6 Zye m va sou fidèl a peyi a pou yo kab rete avè m. (Sila) ki mache nan chemen san fot la, se li menm ki va sèvitè mwen.

Mine eyes shall be upon the faithful of the land, that they may dwell with me: he that walks in a perfect way, he shall serve me.

7 (Sila) ki pratike manti p ap rete lakay mwen. (Sila) ki bay manti p ap kenbe pozisyon li devan m.

He that works deceit shall not dwell within my house: he that tells lies shall not tarry in my sight.

8 Chak maten mwen va detwi tout mechan nan peyi yo, Pou m kab koupe retire nan vil SENYÈ a, tout moun ki fè inikite yo.

I will early destroy all the wicked of the land; that I may cut off all wicked doers from the city of the LORD.