Sòm 1

1 Beni se nonm ki pa mache nan konsèy mechan yo ni kanpe nan pa pechè yo, ni chita nan chèz mokè yo,

Heureux l'homme qui ne suit point le conseil des impies, et ne pratique point la voie des pécheurs, et ne prend point place au cercle des moqueurs;

2 men gran plezi li se nan lalwa SENYÈ a. Sou lalwa Li, li reflechi lajounen kon lannwit.

mais qui fait son plaisir de la loi de l'Éternel, et médite sa loi le jour et la nuit!

3 Li va tankou yon pyebwa ki plante bò kote flèv dlo ki bay fwi li nan sezon li. Fèy li p ap janm fane, e tout sa li fè byen reyisi.

Il est comme un arbre planté près d'une eau courante, qui donne son fruit en sa saison, et dont la feuille ne se flétrit point: tout ce qu'il fait, est suivi de succès.

4 Mechan yo pa konsa. Yo tankou pay ke van an pouse ale.

Tels ne sont point les impies, mais ils sont comme la balle dissipée par le vent:

5 Pou sa, mechan yo p ap kanpe nan chèz jijman an, ni pechè yo nan asanble ak moun dwat yo.

aussi ne tiennent-ils pas devant le jugement, non plus que les pécheurs dans l'assemblée des justes;

6 Paske SENYÈ a konnen chemen a (sila) ki dwat yo, men chemen a mechan yo va disparèt.

car l'Éternel a l'œil sur la voie des justes, mais la voie des impies mène à la ruine.