Pwovèb 1
1 Pwovèb Salomon yo, fis a David la, wa Israël la:
| משלי שלמה בן דוד מלך ישראל׃ |
2 pou konnen sajès avèk enstriksyon, Pou dekouvri pawòl bon konprann yo,
| לדעת חכמה ומוסר להבין אמרי בינה׃ |
3 Pou resevwa enstriksyon nan jan pou aji ak sajès, ladwati, jistis, menm jan pou tout moun;
| לקחת מוסר השכל צדק ומשפט ומישרים׃ |
4 Pou avèti san konprann yo e bay konesans ak pridans a jenn yo.
| לתת לפתאים ערמה לנער דעת ומזמה׃ |
5 Yon nonm saj va tande, va grandi nan konesans li e yon nonm bon konprann va twouve konsèy ki saj,
| ישמע חכם ויוסף לקח ונבון תחבלות יקנה׃ |
6 Pou konprann yon pwovèb ak mo kache, pawòl a saj yo avèk devinèt yo.
| להבין משל ומליצה דברי חכמים וחידתם׃ |
7 Lakrent SENYÈ a se kòmansman sajès la; sila ki plen foli, meprize sajès ak lenstriksyon.
| יראת יהוה ראשית דעת חכמה ומוסר אוילים בזו׃ |
8 Tande byen, fis mwen an, lenstriksyon papa ou, e pa abandone leson a manman ou yo;
| שמע בני מוסר אביך ואל תטש תורת אמך׃ |
9 Anverite, yo fè yon kouwòn byen bèl sou tèt ou, ak yon bèl dekorasyon nan kou ou.
| כי לוית חן הם לראשך וענקים לגרגרתיך׃ |
10 Fis mwen an, si pechè yo vin tante ou, pa dakò.
| בני אם יפתוך חטאים אל תבא׃ |
11 Si yo di: “Vini avèk nou, annou kouche yon pyèj pou san, annou fè anbiskad pou inosan yo san koz;
| אם יאמרו לכה אתנו נארבה לדם נצפנה לנקי חנם׃ |
12 Annou vale yo vivan tankou Sejou mò yo, menm an antye tankou sila k ap desann nan fòs yo. (Sheol h7585)
| נבלעם כשאול חיים ותמימים כיורדי בור׃ (Sheol h7585) |
13 Nou va jwenn tout kalite byen presye, nou va ranpli lakay nou ak piyaj.
| כל הון יקר נמצא נמלא בתינו שלל׃ |
14 Tire osò pa ou ansanm ak nou. Nou tout va gen yon sèl bous”—
| גורלך תפיל בתוכנו כיס אחד יהיה לכלנו׃ |
15 Fis mwen an, pa mache nan chemen avèk yo. Anpeche pye ou antre sou wout yo,
| בני אל תלך בדרך אתם מנע רגלך מנתיבתם׃ |
16 Paske pye yo kouri jwenn mal, e yo fè vit pou yo vèse san.
| כי רגליהם לרע ירוצו וימהרו לשפך דם׃ |
17 Anverite, se initil pou ouvri yon filè ak pen gaye devan nenpòt kalite zwazo;
| כי חנם מזרה הרשת בעיני כל בעל כנף׃ |
18 men yap kouche yon pyèj pou pwòp san pa yo. Yo fè anbiskad pou pwòp lavi pa yo.
| והם לדמם יארבו יצפנו לנפשתם׃ |
19 Se konsa tout chemen yo ye a pou tout moun ki vin genyen pa mwayen vyolans. Se pwòp lavi yo kap vin rache.
| כן ארחות כל בצע בצע את נפש בעליו יקח׃ |
20 Sajès rele fò nan lari. Li leve vwa li nan plas la.
| חכמות בחוץ תרנה ברחבות תתן קולה׃ |
21 Nan tèt lari ki gen zen yo, li kriye fò. Nan antre pòtay lari yo, li fè moun tande tout pawòl li yo:
| בראש המיות תקרא בפתחי שערים בעיר אמריה תאמר׃ |
22 “Jiskilè, O moun san bon konprann yo, nou va renmen rete san konprann anyen? Pou mokè yo rejwi yo nan moke moun e moun san konprann yo rayi konesans?
| עד מתי פתים תאהבו פתי ולצים לצון חמדו להם וכסילים ישנאו דעת׃ |
23 Vire sou repwòch mwen an. Gade byen, mwen va vide lespri m sou nou. Mwen va fè nou konnen pawòl mwen yo.
| תשובו לתוכחתי הנה אביעה לכם רוחי אודיעה דברי אתכם׃ |
24 Akoz mwen te rele nou e nou te refize; mwen te lonje men m, e pèsòn pa t okipe sa,
| יען קראתי ותמאנו נטיתי ידי ואין מקשיב׃ |
25 men nou te neglije tout konsèy mwen yo, e nou pa t vle tande repwòch mwen;
| ותפרעו כל עצתי ותוכחתי לא אביתם׃ |
26 konsa, mwen menm anplis, va ri sou malè nou yo. Mwen va moke nou lè gran laperèz la rive,
| גם אני באידכם אשחק אלעג בבא פחדכם׃ |
27 lè gran laperèz nou rive tankou tanpèt e gwo dezas nou yo tankou toubiyon, lè gwo pwoblèm ak soufrans rive sou nou.
| בבא כשאוה פחדכם ואידכם כסופה יאתה בבא עליכם צרה וצוקה׃ |
28 Nan lè sa a, yo va rele m, men mwen p ap reponn. Yo va chache mwen avèk dilijans, men yo p ap twouve m,
| אז יקראנני ולא אענה ישחרנני ולא ימצאנני׃ |
29 akoz yo te rayi konesans e pa t chwazi gen lakrent SENYÈ a.
| תחת כי שנאו דעת ויראת יהוה לא בחרו׃ |
30 Yo te refize konsèy mwen. Yo te rejte tout repwòch mwen yo.
| לא אבו לעצתי נאצו כל תוכחתי׃ |
31 Pou sa, yo va manje fwi a pwòp chemen yo, e vant yo va vin plen ak pwòp manèv yo.
| ויאכלו מפרי דרכם וממעצתיהם ישבעו׃ |
32 Paske chemen kwochi a moun san konprann yo va touye yo. Kè kontan a sila ki plen foli va detwi yo.
| כי משובת פתים תהרגם ושלות כסילים תאבדם׃ |
33 Men sila ki koute mwen an va viv ansekirite, e li va rete alèz san pè malè.”
| ושמע לי ישכן בטח ושאנן מפחד רעה׃ |
