Pwovèb 24
1 Pa fè anvi a moun mechan, ni dezire pou avèk yo;
Be not you envious against evil men, neither desire to be with them.
2 paske panse yo fòmante vyolans e lèv yo pale inikite.
For their heart studies destruction, and their lips talk of mischief.
3 Avèk sajès, kay la bati e avèk bon konprann, li vin etabli.
Through wisdom is an house built; and by understanding it is established:
4 Pa konesans, chanm yon moun vin ranpli avèk tout bèl kalite richès.
And by knowledge shall the chambers be filled with all precious and pleasant riches.
5 Yon nonm saj byen fò, e yon nonm ak konesans ogmante pouvwa li.
A wise man is strong; yes, a man of knowledge increases strength.
6 Paske ak konsèy saj ou va fè lagè, e ak konseye an abondans, gen viktwa.
For by wise counsel you shall make your war: and in multitude of counsellors there is safety.
7 Sajès twò wo pou moun ensanse a; li pa ouvri bouch li nan pòtay la.
Wisdom is too high for a fool: he opens not his mouth in the gate.
8 Yon moun ki fè plan pou fè mal, moun va rele li magouyè.
He that devises to do evil shall be called a mischievous person.
9 Fòmante foli se peche, e mokè a abominab a tout moun.
The thought of foolishness is sin: and the scorner is an abomination to men.
10 Si ou lach nan jou gran pwoblèm nan, fòs ou pa fò.
If you faint in the day of adversity, your strength is small.
11 Delivre sila k ap mennen vè lanmò a, ak sila k ap mache tonbe vè labatwa a. O, kenbe yo!
If you forbear to deliver them that are drawn to death, and those that are ready to be slain;
12 Si ou di: “Gade, nou pa t konnen sa”; èske Li pa konsidere sa, sila ki peze kè? Epi èske Li pa konnen sa, sila kap kenbe nanm ou an? Èske Li p ap rann a lòm selon zèv li?
If you say, Behold, we knew it not; does not he that ponders the heart consider it? and he that keeps your soul, does not he know it? and shall not he render to every man according to his works?
13 Fis mwen, manje siwo myèl, paske li bon; wi, siwo sòti nan nich lan dous pou goute.
My son, eat you honey, because it is good; and the honeycomb, which is sweet to your taste:
14 Konnen ke sajès se konsa pou nanm ou; si ou twouve li, va gen yon avni, e espwa ou p ap anile.
So shall the knowledge of wisdom be to your soul: when you have found it, then there shall be a reward, and your expectation shall not be cut off.
15 Pa kouche mete pyèj, o lòm mechan, kont kote ke moun dwat la rete a. Pa detwi kote repo li a;
Lay not wait, O wicked man, against the dwelling of the righteous; spoil not his resting place:
16 paske yon nonm ladwati tonbe sèt fwa e leve ankò, men se nan lè gwo malè ke mechan an tonbe.
For a just man falls seven times, and rises up again: but the wicked shall fall into mischief.
17 Pa rejwi lè lènmi ou tonbe. Ni pa kite kè ou kontan lè l tonbe;
Rejoice not when your enemy falls, and let not your heart be glad when he stumbles:
18 Oswa, SENYÈ a va wè l, vin pa kontan e detounen kòlè Li de li.
Lest the LORD see it, and it displease him, and he turn away his wrath from him.
19 Pa twouble tèt ou pou malveyan yo, ni fè lanvi pou mechan yo,
Fret not yourself because of evil men, neither be you envious at the wicked:
20 paske pou yon nonm mechan, pa gen avni. Lanp a mechan an va etenn nèt.
For there shall be no reward to the evil man; the candle of the wicked shall be put out.
21 Fis mwen an, gen lakrent SENYÈ a ak wa a; pa asosye ak sila ki pa stab yo,
My son, fear you the LORD and the king: and meddle not with them that are given to change:
22 paske, malè yo va leve vit. Kilès ki konnen destriksyon an k ap sòti nan yo de a.
For their calamity shall rise suddenly; and who knows the ruin of them both?
23 Sila yo, anplis, se pawòl a sajès: Fè patipri nan jijman pa bon.
These things also belong to the wise. It is not good to have respect of persons in judgment.
24 Sila ki di a mechan an: “Ou dwat”, pèp yo va modi li e nasyon yo va rayi li;
He that says to the wicked, You are righteous; him shall the people curse, nations shall abhor him:
25 men pou sila ki repwoche mechan yo, lap wale byen ak yo. Bon benediksyon va tonbe sou yo.
But to them that rebuke him shall be delight, and a good blessing shall come on them.
26 Yon repons onèt tankou yon bo sou lèv yo.
Every man shall kiss his lips that gives a right answer.
27 Prepare tout travay ou a deyò; byen prepare chan ou. Apre, alò, bati kay ou.
Prepare your work without, and make it fit for yourself in the field; and afterwards build your house.
28 Pa vin yon temwen kont vwazen ou san koz, e pa bay manti ak lèv ou.
Be not a witness against your neighbor without cause; and deceive not with your lips.
29 Pa di: “Se konsa mwen va fè l paske li te fè m konsa; mwen va rann a nonm nan selon zèv li yo.”
Say not, I will do so to him as he has done to me: I will render to the man according to his work.
30 Mwen te pase nan chan parese a; akote chan rezen a nonm ki manke bon konprann nan.
I went by the field of the slothful, and by the vineyard of the man void of understanding;
31 Epi gade byen, li te plen ak raje pikan, e kouvri ak move zèb, Miray an wòch la te fin kraze nèt.
And, see, it was all grown over with thorns, and nettles had covered the face thereof, and the stone wall thereof was broken down.
32 Lè m te wè, mwen te reflechi sou sa; mwen te gade e m te resevwa enstriksyon.
Then I saw, and considered it well: I looked on it, and received instruction.
33 “Yon ti dòmi, yon ti somèy, yon ti pliye men pou repoze,”
Yet a little sleep, a little slumber, a little folding of the hands to sleep:
34 Konsa mizè ou va vin parèt sou ou tankou yon vòlè; ak bezwen tankou yon bandi kon zam.
So shall your poverty come as one that travels; and your want as an armed man.
