Pwovèb 16
1 Plan kè a sòti nan lòm; men repons a lang lan sòti nan SENYÈ a.
The plans of the heart belong to man, but the answer of the tongue is from Jehovah.
2 Tout chemen a yon nonm pwòp nan zye pa li; men SENYÈ a peze sa k nan kè l.
All the ways of a man are clean in his own eyes, but Jehovah weighs the spirits.
3 Konsakre tout zèv ou yo a SENYÈ a, e plan ou yo va etabli.
Commit thy works to Jehovah, and thy purposes shall be established.
4 SENYÈ a te fè tout bagay pou pwòp sèvis li; menm mechan yo pou jou jijman an.
Jehovah has made everything for its own end, yea, even the wicked for the day of evil.
5 Tout sila ki gen kè ògèy, abominab a SENYÈ a; anverite, li p ap chape anba pinisyon.
Everyone who is proud in heart is an abomination to Jehovah. Hand in hand, he shall not be unpunished.
6 Pa lanmou dous avèk verite, inikite lave; e pa lakrent SENYÈ a moun chape anba mal.
By mercy and truth iniquity is atoned for, and by the fear of Jehovah men depart from evil.
7 Lè chemen a yon nonm fè SENYÈ a kontan, l ap fè menm lènmi li yo vin anpè avè l.
When a man's ways please Jehovah, he makes even his enemies to be at peace with him.
8 Pi bon se piti ak ladwati pase gwo kòb k ap antre avèk enjistis.
Better is a little, with righteousness, than great revenues with injustice.
9 Panse a lòm fè plan pou wout li; men SENYÈ a dirije pa li yo.
A man's heart devises his way, but Jehovah directs his steps.
10 Se desizyon diven ki nan lèv a wa a; bouch li pa dwe fè erè nan jijman.
A divine sentence is in the lips of the king. His mouth shall not transgress in judgment.
11 Yon balans ki jis apatyen a Bondye; li veye sou tout pwa nan sak yo.
A just balance and scales are Jehovah's. All the weights of the bag are his work.
12 Se abominab pou wa yo komèt zak mechan, paske yon twòn etabli sou ladwati.
It is an abomination to kings to commit wickedness, for the throne is established by righteousness.
13 Lèv ki dwat se plezi a wa yo; e sila ki pale dwat, vin renmen.
Righteous lips are the delight of kings, and they love him who speaks right.
14 Kòlè a yon wa se tankou mesaje lanmò; men yon nonm saj va kalme li.
The wrath of a king is messengers of death, but a wise man will pacify it.
15 Nan vizaj a yon wa briye lavi; e favè li se tankou yon nwaj avèk lapli prentan.
In the light of the king's countenance is life, and his favor is as a cloud of the latter rain.
16 A la bon li pi bon pou resevwa sajès pase lò! Pito nou jwenn bon konprann pase ajan.
How much better it is to get wisdom than gold! Yea, to get understanding is rather to be chosen than silver.
17 Gran chemen a moun dwat la se pou kite mal; sila ki veye chemen li an prezève lavi li.
The highway of the upright is to depart from evil. He who keeps his way preserves his soul.
18 Ògèy ale devan destriksyon e yon lespri ògèy devan moun kap tonbe.
Pride is before destruction, and a haughty spirit before a fall.
19 Li pi bon pou rete enb nan lespri avèk sila ki ba yo, pase divize piyaj ak moun ògeye yo.
Better it is to be of a lowly spirit with the poor, than to divide the spoil with the proud.
20 Sila ki bay atansyon a pawòl la va jwenn sa ki bon; beni se sila ki mete konfyans li nan SENYÈ a.
He who gives heed to the word shall find good, and whoever trusts in Jehovah, happy is he.
21 Moun saj nan kè va rekonèt kon moun bon konprann; e dousè nan pale va ogmante kapasite konvenk moun.
The wise in heart shall be called prudent, and the sweetness of the lips increases learning.
22 Bon konprann se yon fontèn dlo lavi pou sila ki genyen l; men pou disipline moun ensanse yo se foli.
Understanding is a well-spring of life to him who has it, but the correction of fools is folly.
23 Kè moun saj la enstwi bouch li; li ogmante pouvwa l pou konvenk moun ak lèv li.
The heart of the wise instructs his mouth, and adds learning to his lips.
24 Pawòl agreyab se yon nich gato siwo myèl; dous pou nanm nan, ak gerizon pou zo.
Pleasant words are a honeycomb: Sweet to the soul, and health to the bones.
25 Gen wout ki parèt bon a yon nonm; men fen li se lanmò.
There is a way which seems right to a man, but the end thereof are the ways of death.
26 Apeti a yon ouvriye fè byen pou li; paske se grangou ki ankouraje l.
The appetite of the laboring man labors for him, for his mouth urges him.
27 Yon sanzave fòmante mechanste; pawòl li yo brile tankou dife wouj.
A worthless man devises mischief, and in his lips there is as a scorching fire.
28 Yon nonm pèvès gaye konfli, e yon nonm k ap bay kout lang ap separe bon zanmi yo.
A perverse man scatters abroad strife, and a whisperer separates chief friends.
29 Yon nonm vyolan ap tante vwazen li pou l mennen li nan move chemen.
A man of violence entices his neighbor, and leads him in a way that is not good.
30 Sila kap bay je dou, fè l pou l kab mennen bagay pèvès; sila ki fèmen sere lèv li, fè mal la rive.
He who shuts his eyes devises perverse things. He who moves his lips brings evil to pass.
31 Yon tèt blanch se yon kouwòn laglwa; li jwenn nan chemen ladwati a.
The hoary head is a crown of glory. It shall be found in the way of righteousness.
32 Sila ki lan nan kòlè a pi bon pase pwisan yo; e sila ki gouvène lespri li a pi bon pase sila kap kaptire yon gran vil.
He who is slow to anger is better than the mighty, and he who rules his spirit, than he who takes a city.
33 Tiraj osò fèt nan fon wòb; men tout desizyon ki sòti, sòti nan SENYÈ a.
The lot is cast into the lap, but the whole disposing thereof is of Jehovah.
