Sòm 98

1 Se yon sòm. Chante yon chante tou nèf pou Seyè a, paske li pa manke fè bèl bagay. Pouvwa li avèk fòs ponyèt li se bagay apa, se ak yo li te genyen batay la.

A Psalm. Sing to the LORD a new song, for He has done wonders; His right hand and holy arm have gained Him the victory.

2 Seyè a te fè wè jan l' delivre nou. Li te fè nasyon yo konnen jan li fè lèzòm gras.

The LORD has proclaimed His salvation and revealed His righteousness to the nations.

3 Li te chonje jan li renmen moun Izrayèl yo, jan li toujou kenbe pawòl li gen ak yo. Moun toupatou sou latè te wè jan Bondye nou an ap delivre nou.

He has remembered His love and faithfulness to the house of Israel; all the ends of the earth have seen the salvation of our God.

4 Nou tout ki rete sou latè, rele pou fè lwanj Seyè a tèlman nou kontan! Rele! Fè fèt! Chante!

Make a joyful noise to the LORD, all the earth; break forth—let your cry ring out, and sing praises!

5 Chante pou Seyè a avèk gita! Avèk gita, chante kantik!

Sing praises to the LORD with the lyre, in melodious song with the harp.

6 Soufle klewon, kònen lanbi! Rele devan Seyè a sitèlman nou kontan, paske se li ki wa.

With trumpets and the blast of the ram’s horn shout for joy before the LORD, the King.

7 Se pou lanmè a ansanm ak tou sa k'ap viv ladan l' pran fè bri sitèlman yo kontan. Se pou latè a ansanm ak tou sa k'ap viv sou li pran chante.

Let the sea resound, and all that fills it, the world, and all who dwell in it.

8 Se pou larivyè yo pran bat men yo. Se pou tout ti mòn yo pran chante ansanm sitèlman yo kontan.

Let the rivers clap their hands, let the mountains sing together for joy

9 Paske, l'ap vini pou l' jije tout moun ki sou latè! L'ap jije tout moun san patipri. L'ap jije tout pèp yo dapre sa yo merite.

before the LORD, for He comes to judge the earth. He will judge the world with righteousness and the peoples with equity.