Sòm 95

1 Vini non, ann fè kè nou kontan, ann chante pou Seyè a! Ann fè fèt pou moun k'ap pwoteje nou an, pou moun k'ap delivre nou an!

לכו נרננה ליהוה נריעה לצור ישענו

2 Ann parèt devan li pou nou di l' mèsi! Ann chante yon chante pou fè lwanj li!

נקדמה פניו בתודה בזמרות נריע לו

3 Paske, Seyè a se yon Bondye ki gen pouvwa, se yon gwo wa sou tout lòt bondye yo.

כי אל גדול יהוה ומלך גדול על-כל-אלהים

4 Se li menm ki kenbe fondasyon tè a nan men l'. Se pou li tout tèt mòn yo ye tou.

אשר בידו מחקרי-ארץ ותועפת הרים לו

5 Se pou li lanmè a ye, paske se li ki fè l', latè a tou, paske se li ki ba l' fòm ak men l'.

אשר-לו הים והוא עשהו ויבשת ידיו יצרו

6 Vini non! Ann bese tèt nou devan li, ann adore li! Ann tonbe ajenou devan Seyè ki kreye nou an!

באו נשתחוה ונכרעה נברכה לפני-יהוה עשנו

7 Se li ki Bondye nou, se pèp li nou ye, l'ap pran swen nou tankou mouton ki nan savann li. Si sèlman nou te vle tande jòdi a sa l'ap di nou:

כי הוא אלהינו-- ואנחנו עם מרעיתו וצאן ידו היום אם-בקלו תשמעו

8 -Pa kenbe tèt ak mwen, tankou zansèt nou yo te fè l' lè yo te bò sous dlo Meriba a, tankou yo te fè l' jou sa a nan dezè a bò Masa.

אל-תקשו לבבכם כמריבה כיום מסה במדבר

9 Lè sa a, yo te vle wè jouk ki bò mwen ye ak yo, yo te sonde m', malgre yo te deja wè tou sa mwen te fè pou yo.

אשר נסוני אבותיכם בחנוני גם-ראו פעלי

10 Pandan karantan, ras moun sa yo ban m' degoutans. Mwen te di: Y'ap fè move lide nan tèt yo. Yo derefize obeyi kòmandman mwen yo.

ארבעים שנה אקוט בדור-- ואמר עם תעי לבב הם והם לא-ידעו דרכי

11 Se sak fè, lè m' te ankòlè a, mwen sèmante yo p'ap janm mete pye yo kote pou yo pran repo ansanm ak mwen an.

אשר-נשבעתי באפי אם-יבאון אל-מנוחתי