Sòm 92

1 Sòm sa a se yon chante espesyal pou jou repo a. Sa bon nèt pou nou di Seyè a mèsi, pou nou chante pou ou, Bondye ki anwo nan syèl la.

Psaume. Cantique pour le jour du sabbat. Il est bon de louer Yahweh, et de célébrer ton nom, ô Très-Haut,

2 Sa bon nèt pou chak maten nou fè konnen jan ou gen kè sansib, pou chak swa nou fè konnen jan ou toujou kenbe pawòl ou.

de publier le matin ta bonté, et ta fidélité pendant la nuit,

3 Avèk mizik yo jwe sou enstriman akòd yo, avèk mizik yo jwe sou gita, sa bon nèt pou nou fè lwanj ou.

sur l’instrument à dix cordes et sur le luth, avec les accords de la harpe.

4 Paske, Seyè, ou fè kè m' kontan ak bèl mèvèy ou yo, m'ap fè fèt lè m' wè tou sa w'ap fè.

Tu me réjouis, Yahweh, par tes œuvres, et je tressaille devant les ouvrages de tes mains.

5 Ala bèl bagay ou fè yo bèl! Seyè, moun p'ap janm ka fin konprann sa ki nan tèt ou!

Que tes œuvres sont grandes, Yahweh, que tes pensées sont profondes!

6 Se bagay moun lespri lou pa ka konnen, bagay moun fou pa ka konprann.

L’homme stupide n’y connaît rien, et l’insensé n’y peut rien comprendre.

7 Mechan yo ap grandi tankou zèb, moun k'ap fè mal yo ap wè zafè yo mache byen, men yon lè yo tout gen pou disparèt nèt.

Quand les méchants croissent comme l’herbe, et que fleurissent tous ceux qui font le mal, c’est pour être exterminés à jamais.

8 Men ou menm, Seyè, ou se Bondye nan syèl la. Ou la pou tout tan.

Mais toi, tu es élevé pour l’éternité, Yahweh!

9 Paske, Seyè, lènmi ou yo pral mouri. Wi, ou pral gaye tout moun k'ap fè mal yo.

Car voici que tes ennemis, Yahweh, voici que tes ennemis périssent, tous ceux qui font le mal sont dispersés.

10 Ou fè m' gen menm fòs ak towo bèf mawon yo. Ou fè kè m' kontan.

Et tu élèves ma corne, comme celle du buffle, je suis arrosé avec une huile fraîche.

11 Mwen wè ak je m' jan lènmi m' yo pèdi batay la, mwen tande jan moun ki pa vle wè m' yo ap rele.

Mon œil se plaît à contempler mes ennemis, et mon oreille à entendre les méchants qui s’élèvent contre moi.

12 Moun k'ap mache dwat yo pral pouse tankou palmis, y'ap grandi tankou pye sèd nan peyi Liban.

Le juste croîtra comme le palmier, il s’élèvera comme le cèdre du Liban.

13 Yo tankou pyebwa yo plante nan kay Seyè a, y'ap pouse bèl branch nan tanp Bondye nou an.

Plantés dans la maison de Yahweh, ils fleuriront dans les parvis de notre Dieu.

14 Yo te mèt granmoun, y'ap donnen, y'ap toujou vèt, y'ap toujou gen fòs.

Ils porteront encore des fruits dans la vieillesse; ils seront pleins de sève et verdoyants,

15 Sa fè nou wè jan Seyè a pa gen patipri. Se li ki tout pwoteksyon mwen. Pa gen lenjistis nan kè li.

pour proclamer que Yahweh est juste: il est mon rocher, et il n’y a pas en lui d’injustice.