Sòm 92

1 Sòm sa a se yon chante espesyal pou jou repo a. Sa bon nèt pou nou di Seyè a mèsi, pou nou chante pou ou, Bondye ki anwo nan syèl la.

A Psalm or Song for the sabbath day. It is a good thing to give thanks to the LORD, and to sing praises to thy name, O most High:

2 Sa bon nèt pou chak maten nou fè konnen jan ou gen kè sansib, pou chak swa nou fè konnen jan ou toujou kenbe pawòl ou.

To show forth thy lovingkindness in the morning, and thy faithfulness every night,

3 Avèk mizik yo jwe sou enstriman akòd yo, avèk mizik yo jwe sou gita, sa bon nèt pou nou fè lwanj ou.

Upon an instrument of ten strings, and upon the psaltery; upon the harp with a solemn sound.

4 Paske, Seyè, ou fè kè m' kontan ak bèl mèvèy ou yo, m'ap fè fèt lè m' wè tou sa w'ap fè.

For thou, LORD, hast made me glad through thy work: I will triumph in the works of thy hands.

5 Ala bèl bagay ou fè yo bèl! Seyè, moun p'ap janm ka fin konprann sa ki nan tèt ou!

O LORD, how great are thy works! and thy thoughts are very deep.

6 Se bagay moun lespri lou pa ka konnen, bagay moun fou pa ka konprann.

A stupid man knoweth not; neither doth a fool understand this.

7 Mechan yo ap grandi tankou zèb, moun k'ap fè mal yo ap wè zafè yo mache byen, men yon lè yo tout gen pou disparèt nèt.

When the wicked spring as the grass, and when all the workers of iniquity do flourish; it is that they shall be destroyed for ever:

8 Men ou menm, Seyè, ou se Bondye nan syèl la. Ou la pou tout tan.

But thou, LORD, art most high for evermore.

9 Paske, Seyè, lènmi ou yo pral mouri. Wi, ou pral gaye tout moun k'ap fè mal yo.

For, lo, thy enemies, O LORD, for, lo, thy enemies shall perish; all the workers of iniquity shall be scattered.

10 Ou fè m' gen menm fòs ak towo bèf mawon yo. Ou fè kè m' kontan.

But my horn shalt thou exalt like the horn of an unicorn: I shall be anointed with fresh oil.

11 Mwen wè ak je m' jan lènmi m' yo pèdi batay la, mwen tande jan moun ki pa vle wè m' yo ap rele.

My eye also shall see my desire on my enemies, and my ears shall hear my desire of the wicked that rise up against me.

12 Moun k'ap mache dwat yo pral pouse tankou palmis, y'ap grandi tankou pye sèd nan peyi Liban.

The righteous shall flourish like the palm tree: he shall grow like a cedar in Lebanon.

13 Yo tankou pyebwa yo plante nan kay Seyè a, y'ap pouse bèl branch nan tanp Bondye nou an.

Those that are planted in the house of the LORD shall flourish in the courts of our God.

14 Yo te mèt granmoun, y'ap donnen, y'ap toujou vèt, y'ap toujou gen fòs.

They shall still bring forth fruit in old age; they shall be fat and flourishing;

15 Sa fè nou wè jan Seyè a pa gen patipri. Se li ki tout pwoteksyon mwen. Pa gen lenjistis nan kè li.

To show that the LORD is upright: he is my rock, and there is no unrighteousness in him.