Sòm 87

1 Se yon sòm pitit Kore yo. Se yon chante li ye. Bondye bati lavil li a sou mòn ki apa pou li a!

Psaume de cantique des enfants de Coré. Sa fondation est dans les saintes montagnes.

2 Li renmen lavil Jerizalèm pi plis pase tout lòt kote nan peyi Jakòb la.

L'Eternel aime les portes de Sion, plus que tous les Tabernacles de Jacob.

3 Ou menm, lavil Bondye a, tande bèl bagay y'ap di sou ou:

Ce qui se dit de toi, Cité de Dieu, sont des choses glorieuses; (Sélah)

4 Lè m'ap nonmen non moun k'ap sèvi m' yo, m'ap mete moun peyi Lejip, moun peyi Babilòn sou lis la. Moun peyi Filisti, moun peyi Tir ak moun peyi Etiopi, se Jerizalèm yo fèt.

Je ferai mention de Rahab et de Babylone entre ceux qui me connaissent; voici la Palestine, et Tyr, et Cus. Celui-ci, [disait-on], est né là.

5 Lè moun ap pale sou mòn Siyon an yo di: -Yo rele l' manman, paske se la yo tout fèt. Se Bondye anwo nan syèl la ki mete l' kanpe.

Mais de Sion il sera dit: celui-ci et celui-là y est né; et le Souverain lui-même l'établira.

6 Seyè a fè lis tout pèp yo, li fè yo tout pase pou moun lavil Jerizalèm.

Quand l'Eternel enregistrera les peuples, il dénombrera aussi ceux-là, [et il dira]: celui-ci est né là; (Sélah)

7 Moun k'ap chante yo ansanm ak moun k'ap danse yo ap repete byen fò: -Se ou menm ki manman nou tout.

Et les chantres, de même que les joueurs de flûtes, [et] toutes mes sources seront en toi.