Sòm 82

1 Se yon sòm Asaf. Bondye kanpe nan mitan konsèy ki nan syèl la, li kanpe nan mitan bondye yo, l'ap jije.

Psalmus Asaph. Deus stetit in synagoga deorum: in medio autem deos diiudicat.

2 Li di: -Kilè n'a sispann fè mechanste lè n'ap jije? Kilè n'a sispann achte figi mechan yo?

Usquequo iudicatis iniquitatem: et facies peccatorum sumitis?

3 Pran defans pòv malere yo ak timoun ki san papa yo! Pran defans malere yo ak moun ki san sekou yo!

Iudicate egeno, et pupillo: humilem, et pauperem iustificate.

4 Delivre pòv malere ak endijan yo! Delivre yo anba men mechan yo.

Eripite pauperem: et egenum de manu peccatoris liberate.

5 Nou sòt, nou pa konprann anyen! N'ap mache nan fènwa. Pa gen jistis sou latè ankò!

Nescierunt, neque intellexerunt, in tenebris ambulant: movebuntur omnia fundamenta terrae.

6 Mwen te di se bondye nou ye, nou tout se pitit Bondye ki anwo nan syèl la nou ye.

Ego dixi: Dii estis, et filii excelsi omnes.

7 Men, nou gen pou nou mouri tankou tout moun, wi, nou gen pou nou mouri tankou nenpòt chèf.

Vos autem sicut homines moriemini: et sicut unus de principibus cadetis.

8 Leve non, Bondye, vin jije latè! Paske, se pou ou tout nasyon yo ye.

Surge Deus, iudica terram: quoniam tu hereditabis in omnibus Gentibus.