Sòm 67

1 Pou chèf sanba yo. Se sou enstriman akòd pou yo jwe mizik la. Sòm sa a se yon chante. Tanpri, Bondye, gen pitye pou nou! Voye benediksyon ou sou nou! Fè nou santi ou la avèk nou,

Pou direktè koral la; avèk enstriman ak kòd yo. Yon Sòm; Yon Chan Ke Bondye ka fè nou gras, beni nou e fè vizaj Li vin klere sou nou——

2 pou tout moun sou latè ka konnen sa ou vle, pou tout lòt nasyon yo ka konnen se ou ki delivre lèzòm.

Ke chemen Ou kapab byen koni sou tè a, ak sali Ou pami tout nasyon yo.

3 Se pou tout pèp sou latè fè lwanj ou, Bondye. Wi, se pou tout pèp sou latè fè lwanj ou.

Kite pèp yo louwe Ou, O Bondye. Kite tout pèp yo louwe Ou.

4 Se pou tout nasyon yo fè kè yo kontan. Se pou yo chante tèlman yo kontan, paske ou jije pèp yo san patipri, ou dirije tout nasyon ki sou latè.

Kite nasyon yo fè kè kontan e chante ak jwa, paske Ou va jije pèp yo avèk ladwati e gide nasyon yo sou tè a. Tan

5 Se pou tout pèp sou latè fè lwanj ou, Bondye. Wi, se pou tout pèp sou latè fè lwanj ou.

Kite pèp yo louwe Ou, O Bondye. Kite tout pèp yo louwe Ou.

6 Latè bay rekòt. Bondye ki Bondye nou an te voye benediksyon li sou nou.

Latè te bay pwodwi li. Bondye, Bondye pa nou an, ap toujou beni nou.

7 Wi, Bondye te voye benediksyon li sou nou. Se pou tout moun toupatou sou latè gen krentif pou li.

Bondye ap toujou beni nou. Dènye pwent latè a va gen lakrent Li.