Sòm 51

1 Pou chèf sanba yo. Se David ki te ekri sòm sa a lè pwofèt Natan te vin pale avè l' aprè adiltè li te fè avèk Batcheba. Gen pitye pou mwen, Bondye. Jan ou gen bon kè sa a! Tanpri, efase tou sa mwen fè ki mal, paske ou gen kè sansib.

Jusqu'à la Fin. Psaume de David. Quand le prophète Nathan le vint trouver, parce qu'il avait eu commerce avec Bersabée. Aie pitié de moi, Seigneur, selon ta grande miséricorde; et selon l'immensité de ta compassion, efface mon iniquité.

2 Lave m', foubi m' pou wete fòt mwen fè a. Netwaye m' pou efase peche m' lan.

Lave-moi de plus en plus de mon crime, et purifie-moi de mon péché.

3 Mwen rekonèt sa m' fè a pa bon. Se tout tan peche m' lan devan je m'.

Car je connais mon iniquité, et mon péché est toujours devant ma face.

4 Se kont ou menm menm mwen peche-pa kont lòt moun. Mwen fè bagay ou pa dakò pou moun fè. Se sak fè ou gen rezon lè ou kondannen yon moun. Moun pa ka fè ou okenn repwòch lè ou fin jije.

C'est contre toi seul que j'ai péché, et devant toi que j'ai fait le mal; tu l'as permis, afin que tu sois reconnu juste dans tes paroles et que tu triomphes dans tes jugements.

5 Wi, depi m' fèt, mwen fèt ak peche nan kè m'. Depi nan vant manman m', mwen gen peche nan kè m'.

Car voilà que j'ai été conçu dans l'iniquité, et ma mère m'a conçu dans le péché.

6 Men, ou vle pou yon moun sensè nan tou sa l'ap fè. Tanpri, fè m' konprann tout bagay non!

Mais toi; tu aimes la vérité, et tu m'as révélé les choses obscures et profondes de ta sagesse.

7 Wete peche m' lan avèk yon branch izòp, konsa m'a nan kondisyon pou m' fè sèvis pou ou. Lave m', m'a pi blan pase koton.

Tu m'aspergeras avec l'hysope, et je serai purifié; tu me laveras, et je serai plus blanc que la neige.

8 Fè m' tande pawòl ki pou fè kè m' kontan an, pawòl ki pou fè m' chante a. Wi, ou te kraze tout zo nan kò m', men w'a fè kè m' kontan ankò.

Tu me feras entendre la joie et l'allégresse, et mes os affligés se réjouiront.

9 Wete peche mwen yo devan je ou. Efase tout fòt mwen fè yo.

Détourne ta face de tous mes péchés, et efface toutes mes iniquités.

10 O Bondye, pa kite okenn move lide nan kè m'. Mete bon lide nan tèt mwen, pou m' sa kenbe fèm.

Crée en moi un cœur pur, ô mon Dieu, et rétablis un esprit droit en mes entrailles.

11 Pa voye m' jete. Pa wete lespri ou te ban mwen an.

Ne me rejette pas de ta présence, et ne retire pas de moi ton Esprit- Saint.

12 Sove m'. Fè kè m' kontan ankò. Ban m' bon lide ki pou fè m' toujou obeyisan.

Rends-moi la joie de ton salut, et raffermis-moi en me donnant l'Esprit de force.

13 Lè sa a, m'a moutre moun k'ap fè peche yo tout kòmandman ou yo, pou yo sa tounen vin jwenn ou.

J'enseignerai tes voies aux méchants, et les impies se convertiront à toi.

14 Pa kite yo tire revanj sou mwen, Bondye, se ou k'ap sove lavi m'. N'a fè konnen jan ou gen bon kè.

Lave-moi du sang versé, ô Dieu, Dieu de mon salut, et ma langue se réjouira de ta justice.

15 Seyè mwen, mete pawòl nan bouch mwen pou m' ka fè lwanj ou.

Seigneur, tu ouvriras mes lèvres, et ma bouche proclamera tes louanges.

16 Si se bèt ou ta vle yo touye pou ofri ou, mwen ta ofri bèt ba ou. Men, ou pa pran plezi nan vyann bèt y'ap boule ofri ba ou yo.

Car si tu avais voulu un sacrifice, je te l'aurais offert; mais les holocaustes ne te sont point agréables.

17 Ofrann ki fè Bondye plezi, se lè yon moun soumèt tèt li devan li. Bondye, ou p'ap janm meprize moun ki soumèt tèt li devan ou, moun ki rekonèt tò li.

Le sacrifice qui plaît à Dieu est un esprit contrit; Dieu ne méprisera pas un cœur contrit et humilié.

18 O Bondye, fe anpil byen pou mòn Siyon, paske ou gen bon kè. Rebati miray lavil Jerizalèm yo.

Seigneur, fais en ta bonté, pour Sion, que les remparts de Jérusalem soient édifiés.

19 Se lè sa a w'a pran plezi nan ofrann bèt ou mande pou yo touye pou ou yo, nan vyann bèt ak lòt ofrann y'ap boule nèt pou ou yo. Se lè sa a y'a ofri jenn towo bèf sou lotèl ou a.

Alors tu agréeras un sacrifice de justice, des oblations et des holocaustes; alors on offrira des veaux sur ton autel.