Sòm 44

1 Pou chèf sanba yo. Se yonn nan chante pitit Kore yo. Bondye, nou te tande ak zòrèy nou tout gwo bagay ou te fè nan tan lontan. Wi, granmoun nou yo te rakonte nou tou sa ou te fè pou yo nan tan lontan.

Au maître chantre. Hymne des fils de Coré. O Dieu, nous avons ouï de nos oreilles, nos pères nous ont raconté les exploits que tu fis en leurs jours, aux jours d'autrefois.

2 Yo di nou se avèk fòs kouraj ou ou te chase moun lòt nasyon yo, pou ou te kapab tabli yo nan peyi a. Yo di nou jan ou te maltrete anpil lòt nasyon pou ou te ka fè plas pou zansèt nou yo.

De ta main tu chassas les nations, pour les établir; tu détruisis les peuples, pour les multiplier.

3 Se pa t' avèk nepe pèp ou a te pran peyi a, se pa t' fòs ponyèt yo ki te fè yo genyen batay la. Men, se te pouvwa ou ak fòs ponyèt pa ou ki te penmèt yo fè tou sa. Ou te la avèk yo pou ba yo kouraj. Ou te fè tou sa paske ou renmen yo.

Car ce ne fut pas par leur épée qu'ils conquirent le pays, ni leur bras qui les rendit vainqueurs, mais ta droite et ton bras, et la lumière de ta face; car tu leur fus propice.

4 Se ou ki wa mwen, se ou ki Bondye mwen. Fè pitit Jakòb yo jwenn delivrans.

O Dieu! tu es mon Roi! Ordonne la délivrance de Jacob!

5 Avèk pouvwa ou, nou kilbite lènmi nou yo. Avèk ou menm ki la avèk nou an, n'ap kraze moun ki leve dèyè nou yo.

Avec toi nous battons nos ennemis, par ton nom nous terrassons nos adversaires

6 Mwen p'ap mete konfyans mwen nan banza. Se pa nepe m' ki pou delivre m'.

Car dans mon arc je ne me confie point, ce n'est pas mon épée qui me délivre;

7 Se ou menm ki te delivre nou anba lènmi nou yo. Ou fè moun ki pa t' vle wè nou yo wont.

mais c'est toi qui nous délivres de nos ennemis, et qui confonds ceux qui nous haïssent.

8 Se chak jou n'ap fè lwanj ou. Se tout tan n'ap nonmen non ou, n'ap di ou mèsi.

De Dieu nous faisons gloire en tout temps, et nous louons éternellement ton nom. (Pause)

9 Men koulye a, Bondye, ou vire do ban nou, ou fè nou pran wont, ou pa soti ansanm avèk lame nou yo ankò.

Cependant tu nous rejetas et nous couvris d'opprobre, et tu ne marchas plus avec nos armées;

10 Ou fè nou kouri devan lènmi nou yo. Moun ki pa vle wè nou yo ap piye nou alèz.

tu nous fis reculer devant nos ennemis, et ceux qui nous haïssent, emportèrent des dépouilles;

11 Ou lage nou tankou mouton y'ap mennen labatwa. Ou gaye nou nan mitan tout lòt peyi yo.

tu nous livras comme la brebis que l'on mange, et parmi les nations tu nous disséminas;

12 Ou vann pèp ou a pou gremesi, ou pa fè okenn benefis sou li.

tu vendis ton peuple à vil prix, et pour toi il n'eut pas une grande valeur;

13 Ou fè nasyon ki bò kote nou yo ap pase nou nan betiz Wi, yo tout ap lonje dwèt sou nou, y'ap pase nou nan rizib.

tu nous exposas aux affronts de nos voisins, aux railleries et aux insultes de nos alentours;

14 Ou fè tout lòt nasyon yo ap bay istwa sou nou. Kou yo wè nou, y'ap fè siy sou nou.

tu nous fis passer en proverbe chez les nations, exciter des hochements de tête parmi les peuples.

15 -(we vèsè pwochen)

Toujours ma honte est devant mes yeux, et la confusion de ma face me couvre,

16 Lè m' tande moun k'ap joure m' yo, moun k'ap vekse m' yo, mwen pa ka gade yo nan je. Lè m' devan lènmi ak moun ki pa vle wè m' yo, lawont fè m' bouche figi m'.

à la voix de celui qui m'insulte et m'outrage, à l'aspect de l'ennemi et de l'homme hostile.

17 Wi, tout malè sa yo rive nou, men, nou pa janm bliye ou. Nou pa t' manke anyen nan kontra ou fè avèk nou an.

Tout cela nous est arrivé, et pourtant nous ne t'avions pas oublié, nous n'avions pas violé ton alliance,

18 Nou pa janm vire do ba ou, nou pa janm kite chemen ou mete devan nou an.

notre cœur ne s'était point retiré de toi, et nos pas n'avaient pas dévié de tes voies,

19 Men ou menm, ki jan ou fè lage nou konsa san sekou nan mitan bèt nan bwa yo? Ou kite nou konsa kote ki fè nwa anpil la.

pour que tu nous écrases dans le pays des chacals, et que tu nous enveloppes d'une ombre de mort.

20 Si nou te bliye rele Bondye nou an, si nou te lapriyè yon lòt bondye,

Si nous avions oublié le nom de notre Dieu, et tendu nos mains vers un dieu étranger, est-ce que Dieu ne le pénétrerait pas,

21 èske Bondye pa ta konn sa, li menm ki konn sekrè ki nan kè tout moun?

lui qui connaît les secrets de nos cœurs?

22 Men, se poutèt ou tout tan yo soti pou touye nou. Yo gade nou tankou mouton y'ap pare pou labatwa.

Mais non, pour toi nous sommes tués tous les jours, et regardés comme des brebis à égorger.

23 Louvri je ou, Seyè. Poukisa w'ap dòmi konsa? Leve non. Pa voye nou jete nèt!

Veille! pourquoi dors-tu, Seigneur? Réveille-toi! ne nous rejette pas à jamais!

24 Poukisa ou vire do ban nou konsa? Poukisa ou bliye anba ki tray nou ye, jan y'ap peze nou?

Pourquoi cacher ta face, oublier notre misère et notre oppression?

25 Nou tonbe san fòs nan pousyè a. Nou kouche sou vant atè plat.

Car jusqu'à la poussière notre âme est abattue, et notre corps à la terre est attaché.

26 Leve non. vin pote nou sekou! Jan ou renmen nou sa, vin delivre nou non!

Lève-toi! à notre secours! et sauve-nous pour l'amour de ta grâce.