Sòm 29

1 Se yon sòm David. Nou tout pitit Bondye yo, fè lwanj Seyè a! Fè lwanj Seyè a pou pouvwa ak fòs li genyen!

Psaume de David. Célébrez l’Eternel, ô fils de Dieu! Célébrez sa gloire et sa puissance.

2 Fè lwanj non Seyè ki gen pouvwa a! Adore Seyè a nan bèl kay ki apa pou li a!

Rendez hommage au nom glorieux de l’Eternel, adorez l’Eternel dans son superbe sanctuaire.

3 Seyè a fè tande vwa li sou lanmè. Bondye ki gen pouvwa a fè loraj yo gwonde. Seyè a ap mache sou tout lanmè a.

La voix de l’Eternel retentit sur les eaux, le Dieu de gloire tonne, l’Eternel, sur les grandes eaux.

4 Vwa Seyè a se yon vwa ki gen pouvwa! Se yon vwa ki mande pou moun respekte l'!

La voix de l’Eternel éclate avec force, la voix de l’Eternel, avec majesté.

5 Vwa Seyè a kase pye sèd yo, li kase pye sèd peyi Liban yo.

La voix de l’Eternel brise les cèdres, c’est l’Eternel qui met en pièces les cèdres du Liban,

6 Li fè mòn nan peyi Liban yo sote ponpe tankou ti gazèl bèf. Li fè mòn Siryon yo sote ponpe tankou jenn ti towo bèf.

qui les fait bondir comme de jeunes taureaux, le Liban et le Sirion comme de jeunes buffles.

7 Vwa Seyè a fè zèklè.

La voix de l’Eternel fait jaillir des flammes ardentes;

8 Vwa Seyè a fè dezè a tranble. Wi, li fè dezè Kadès la tranble.

la voix de l’Eternel fait trembler le désert, l’Eternel fait trembler le désert de Kadêch.

9 Vwa Seyè a tòde pye chenn yo. Li fè tout fèy nan rakbwa tonbe. Nan tanp li, tout moun ap fè lwanj pou li.

La voix de l’Eternel fait enfanter les biches, elle dépouille les forêts; dans son palais tous de s’écrier: "Gloire!"

10 Seyè a te chita sou fotèy li lè te gen gwo inondasyon an. L'ap gouvènen tankou wa pou tout tan.

L’Eternel trônait lors du déluge; ainsi l’Eternel trône en roi pour l’éternité.

11 Seyè a va bay pèp li a fòs, l'a beni yo, l'a ba yo kè poze.

Que l’Eternel donne la force à son peuple! Que l’Eternel bénisse son peuple par la paix!