Sòm 21

1 Pou chèf sanba yo. Se yon sòm David. Wa a kontan, Seyè, dèske ou te ba li fòs kouraj. Wa a kontan nèt dèske ou fè l' genyen batay la.

Pour le chef musicien. Un psaume de David. Le roi se réjouit de ta force, Yahvé! Comme il se réjouit de votre salut!

2 Ou ba li tou sa l' te renmen. Ou pa t' refize l' sa l' te mande ou.

Tu lui as donné le désir de son cœur, et n'ont pas retenu la demande de ses lèvres. (Selah)

3 Ou vin bò kote l' avèk anpil benediksyon, ou mete yon kouwòn fèt ak bon lò sou tèt li.

Car tu le rencontres avec les bienfaits de la bonté. Tu as mis une couronne d'or fin sur sa tête.

4 Li mande ou lavi, ou ba li l'. Ou ba l' yon lavi ki long, yon lavi ki p'ap janm fini.

Il vous a demandé la vie et vous la lui avez donnée, même durée des jours pour les siècles des siècles.

5 Y'ap fè gwo lwanj pou li, paske ou ede l', ou fè yo respekte l', ou ba li bèl pozisyon,

Sa gloire est grande dans votre salut. Vous lui rendez honneur et majesté.

6 Ou mete benediksyon ou sou li pou tout tan. Ou fè kè l' kontan paske ou la avè l'.

Car vous le rendez très béni pour toujours. Vous le rendez heureux de joie en votre présence.

7 Wa a mete konfyans li nan Seyè a. Gremesi Bondye ki anwo nan syèl la, wa a la pou tout tan.

Car le roi se confie en Yahvé. Grâce à la bonté du Très-Haut, il ne sera pas ébranlé.

8 Wa a ap mete men l' sou tout lènmi l' yo, l'ap mache pran tout moun ki pa vle wè l' yo.

Ta main découvrira tous tes ennemis. Ta main droite découvrira ceux qui te détestent.

9 Lè w'a parèt, w'ap detwi yo tankou yon gwo boukan dife. Lè Seyè a ankòlè, se fini l'ap fini ak yo, dife ap boule yo nèt.

Tu les rendras comme une fournaise ardente au moment de ta colère. Yahvé les engloutira dans sa colère. Le feu les dévorera.

10 W'ap disparèt tout pitit yo sou latè, w'ap disparèt tout ras yo pami lèzòm.

Tu feras disparaître leurs descendants de la terre, leur postérité d'entre les enfants des hommes.

11 Y'ap fè move plan, y'ap fè konplo sou wa a, men sa p'ap mache pou yo.

Car ils ont eu des intentions mauvaises à votre égard. Ils ont comploté contre vous un mal qui ne peut réussir.

12 L'ap tire flèch li sou yo, l'ap fè yo kouri ale.

Car tu leur feras tourner le dos, quand vous pointez un arc sur leur visage.

13 Seyè, leve non. Fè yo wè fòs ou! N'a chante, n'a fè lwanj pou jan ou gen pouvwa!

Sois exalté, Yahvé, dans ta force, ainsi nous chanterons et louerons ta puissance.