Sòm 20

1 Pou chèf sanba yo. Se yon sòm David. Se pou Seyè a reponn ou lè ou anba tray. Se pou Bondye Jakòb la pwoteje ou.

For the chief musician. A psalm of David. May Yahweh help you in the day of trouble; may the name of the God of Jacob protect you

2 Se pou l' rete lakay li pou l' voye ede ou. Se pou l' rete sou mòn Siyon an pou l' soutni ou.

and send help from the holy place to support you from Zion.

3 Se pou l' chonje tou sa ou ofri ba li, pou l' kontan tou bèt ou fè touye pou li.

May he call to mind all your offerings and accept your burnt sacrifice. (Selah)

4 Se pou l' ba ou tou sa ou ta renmen. Se pou l' fè tou sa ou gen lide fè rive vre.

May he grant you your heart's desire and fulfill all your plans.

5 Lè sa a, n'ap rele, n'ap kontan dèske ou genyen batay la. N'ap fè fèt paske ou genyen batay la, n'ap fè lwanj Bondye nou an. Se pou Seyè a ba ou tou sa ou mande l'.

Then we will rejoice in your victory, and, in the name of our God, we will raise banners. May Yahweh grant all your petitions.

6 Koulye a, mwen konnen Seyè a ap fè moun li chwazi a genyen batay la. Li rete nan syèl la, nan kay ki pou li a, li reponn li. Li fè l' genyen batay la avèk gwo pouvwa li.

Now I know that Yahweh will rescue his anointed one; he will answer him from his holy heaven with the strength of his right hand that can rescue him.

7 Gen moun ki mete konfyans yo nan machin pou fè lagè. Gen lòt moun, se nan chwal yo yo mete konfyans yo. Men nou menm, se nan pouvwa Seyè a, Bondye nou an, nou mete konfyans nou.

Some trust in chariots and others in horses, but we call on Yahweh our God.

8 Yo menm, yo gen pou yo bite, pou yo tonbe. Men nou menm, nou kanpe, n'ap kenbe fèm.

They will be brought down and fall, but we will rise and stand upright!

9 Seyè, fè wa a genyen batay la non! Reponn nou non, lè n'ap rele ou!

Yahweh, rescue the king; help us when we call.