Sòm 20

1 Pou chèf sanba yo. Se yon sòm David. Se pou Seyè a reponn ou lè ou anba tray. Se pou Bondye Jakòb la pwoteje ou.

For the Chief Musician. A Psalm of David. The LORD answer thee in the day of trouble; the name of the God of Jacob set thee up on high;

2 Se pou l' rete lakay li pou l' voye ede ou. Se pou l' rete sou mòn Siyon an pou l' soutni ou.

Send thee help from the sanctuary, and strengthen thee out of Zion;

3 Se pou l' chonje tou sa ou ofri ba li, pou l' kontan tou bèt ou fè touye pou li.

Remember all thy offerings, and accept thy burnt sacrifice; (Selah)

4 Se pou l' ba ou tou sa ou ta renmen. Se pou l' fè tou sa ou gen lide fè rive vre.

Grant thee thy heart’s desire, and fulfill all thy counsel.

5 Lè sa a, n'ap rele, n'ap kontan dèske ou genyen batay la. N'ap fè fèt paske ou genyen batay la, n'ap fè lwanj Bondye nou an. Se pou Seyè a ba ou tou sa ou mande l'.

We will triumph in thy salvation, and in the name of our God we will set up our banners: the LORD fulfill all thy petitions.

6 Koulye a, mwen konnen Seyè a ap fè moun li chwazi a genyen batay la. Li rete nan syèl la, nan kay ki pou li a, li reponn li. Li fè l' genyen batay la avèk gwo pouvwa li.

Now know I that the LORD saveth his anointed; he wilt answer him from his holy heaven with the saving strength of his right hand.

7 Gen moun ki mete konfyans yo nan machin pou fè lagè. Gen lòt moun, se nan chwal yo yo mete konfyans yo. Men nou menm, se nan pouvwa Seyè a, Bondye nou an, nou mete konfyans nou.

Some [trust] in chariots, and some in horses: but we will make mention of the name of the LORD our God.

8 Yo menm, yo gen pou yo bite, pou yo tonbe. Men nou menm, nou kanpe, n'ap kenbe fèm.

They are bowed down and fallen: but we are risen, and stand upright.

9 Seyè, fè wa a genyen batay la non! Reponn nou non, lè n'ap rele ou!

Save, LORD: let the King answer us when we call.