Sòm 2

1 Poukisa nasyon yo ap toumante kò yo konsa? Poukisa pèp yo ap fè plan ki p'ap sèvi yo anyen?

Wherefore have nations assembled in tumult? Or should, peoples, mutter an empty thing?

2 Wa latè yo pran lèzam. Chèf yo mete tèt yo ansanm, y'ap fè konplo sou do Seyè a, y'ap fè konplo sou do wa li chwazi a.

The kings of earth take their station, and, grave men, have met by appointment together, —against Yahweh, and against his Anointed One [saying]:

3 Y'ap plede di: -Ann kase chenn yo mete nan pye nou yo! Ann voye yo jete!

Let us break asunder their bonds, —and cast from us their cords!

4 Seyè a rete chita nan syèl la, l'ap ri. L'ap pase yo nan jwèt.

He that sitteth in the heavens, will laugh, —My Lord, will mock at them:

5 Apre sa, li fè kòlè, li pale ak yo. Li move sou yo, li fè kè yo kase.

Then, will he speak unto them in his anger, and, in his wrath, confound them:

6 Li di: -Se mwen menm ki mete wa mwen an sou mòn Siyon, mòn ki apa pou mwen an.

Yet, I, have installed my king, —on Zion my holy mountain.

7 Wa a di: -M'ap fè nou konnen sa Seyè a deside. Li di mwen: Ou se pitit mwen. Depi jòdi a, se mwen ki papa ou.

Let me tell of a decree, —Yahweh, hath said unto me, My son, thou art, I, to-day, have begotten thee:

8 Mande m', m'a ba ou tout nasyon yo pou eritaj ou. M'a ba ou tout latè pou bitasyon ou.

Ask of me, and let me give nations as thine inheritance, and, as thy possession, the ends of the earth:

9 W'ap kraze ren yo avèk yon baton fè, w'ap kraze yo an miyèt moso tankou yon kannari yo kraze.

Thou shalt shepherd them with a sceptre of iron, —as a potter’s vessel, shalt thou dash them in pieces.

10 Koulye a, nou menm wa yo, manyè konprann. Nou menm k'ap dirije moun sou latè, manyè koute.

Now, therefore, ye kings, show your prudence, Be admonished, ye judges of earth:

11 Sèvi Seyè a avèk krentif, tranble nan tout kò nou,

Serve Yahweh with reverence, and exult with trembling:

12 bese tèt devan li. Si se pa sa, n'a fè l' fache, n'a mouri, paske kòlè l' moute fasil. Ala bon sa bon pou moun k'ap chache pwoteksyon anba zèl li!

Kiss the son, lest he be angry, and ye perish by the way, for soon might be kindled his anger, —How happy are all who seek refuge in him!