Sòm 146

1 Lwanj pou Seyè a! Wi, kite m' fè lwanj Seyè a!

Hallelujah! Praise the LORD, O my soul.

2 M'ap pase tout lavi m' ap fè lwanj Seyè a. M'ap chante pou Bondye mwen pandan tout tan m'ap viv.

I will praise the LORD all my life; I will sing praises to my God while I have my being.

3 Pa mete konfyans nou nan grannèg, nan moun ki pa ka delivre nou.

Put not your trust in princes, in mortal man, who cannot save.

4 Kou souf yo koupe, yo tounen pousyè. Lamenm, tou sa yo te gen nan tèt yo disparèt.

When his spirit departs, he returns to the ground; on that very day his plans perish.

5 Ala bon sa bon pou moun ki gen Bondye Jakòb la pou tout sekou l', pou moun ki mete tout espwa l' nan Seyè a, Bondye li!

Blessed is he whose help is the God of Jacob, whose hope is in the LORD his God,

6 Se li menm ki fè syèl la, tè a ak lanmè a, ansanm ak tou sa ki ladan yo. L'ap toujou kenbe pawòl li.

the Maker of heaven and earth, the sea, and everything in them. He remains faithful forever.

7 Li rann jistis an favè tout moun k'ap sibi lenjistis. Li bay tout moun ki grangou manje pou yo manje.

He executes justice for the oppressed and gives food to the hungry. The LORD sets the prisoners free,

8 Seyè a fè prizonye yo soti nan prizon. Seyè a fè avèg yo wè ankò. Li bay tout moun ki nan lafliksyon kouraj. Seyè a renmen moun ki mache dwat devan li.

the LORD opens the eyes of the blind, the LORD lifts those who are weighed down, the LORD loves the righteous.

9 Seyè a pwoteje etranje k'ap viv nan peyi a. L'ap pran swen vèv yo ak timoun ki san papa yo. Men, li detounen plan mechan yo gen nan tèt yo.

The LORD protects foreigners; He sustains the fatherless and the widow, but the ways of the wicked He frustrates.

10 Seyè a ap gouvènen pou tout tan. Nou menm, moun Siyon, Bondye nou an ap gouvènen pou tout tan. Lwanj pou Seyè a!

The LORD reigns forever, your God, O Zion, for all generations. Hallelujah!