Sòm 140

1 Pou chèf sanba yo. Se yon sòm David. Seyè, delivre m' anba mechan yo non! Pwoteje m' anba ansasen yo non,

למנצח מזמור לדוד ב חלצני יהוה מאדם רע מאיש חמסים תנצרני

2 anba moun k'ap kalkile move lide nan tèt yo, ki tout tan ap pouse dife.

אשר חשבו רעות בלב כל-יום יגורו מלחמות

3 Lang yo se razwa. Pawòl nan bouch yo se pwazon, ou ta di venen sèpan aspik.

שננו לשונם כמו-נחש חמת עכשוב--תחת שפתימו סלה

4 Seyè, pa kite m' tonbe anba men mechan yo, pwoteje m' anba ansasen yo k'ap chache jan pou yo fè m' tonbe.

שמרני יהוה מידי רשע-- מאיש חמסים תנצרני אשר חשבו לדחות פעמי

5 Awogan yo pare yon pèlen pou mwen, yo tann pèlen kòd pou mwen, yo mete moun veye m' sou tout chemen mwen.

טמנו גאים פח לי-- וחבלים פרשו רשת ליד-מעגל מקשים שתו-לי סלה

6 Mwen di Seyè a: -Se ou ki Bondye mwen. Koute m' non, Seyè, lè m'ap rele nan pye ou.

אמרתי ליהוה אלי אתה האזינה יהוה קול תחנוני

7 Seyè, Bondye mwen, ou se fòs ki pou sove m' lan. W'ap pwoteje m' lè batay la mare.

יהוה אדני עז ישועתי סכתה לראשי ביום נשק

8 Seyè, pa kite mechan yo fè sa yo gen lide fè a! Pa kite sa yo vle fè a rive!

אל-תתן יהוה מאויי רשע זממו אל-תפק ירומו סלה

9 Pa kite moun ki pa vle wè m' yo dominen sou mwen. Se pou mechanste ki nan bouch yo a tonbe sou yo!

ראש מסבי-- עמל שפתימו יכסומו (יכסימו)

10 Se pou Bondye grennen chabon dife sou yo tankou lapli. Se pou l' fè yo tonbe nan gwo twou byen fon kote yo p'ap janm ka leve sòti.

ימיטו (ימוטו) עליהם גחלים באש יפלם במהמרות בל-יקומו

11 Se pou moun k'ap pale moun mal yo pèdi pye nan peyi a. Se pou malè tonbe sou ansasen yo pou l' touye yo.

איש לשון בל-יכון בארץ איש-חמס רע--יצודנו למדחפת

12 Mwen konnen Seyè a va fè pòv yo jistis. L'a defann kòz moun ki san sekou yo.

ידעת (ידעתי)--כי-יעשה יהוה דין עני משפט אבינים

13 Wi, moun k'ap mache dwat yo va fè lwanj li. Moun ki obeyi l' yo va toujou viv devan l'.

אך צדיקים יודו לשמך ישבו ישרים את-פניך