Sòm 121

1 Se yon chante pou yo chante lè y'ap moute lavil Jerizalèm. Mwen leve je m', mwen gade mòn yo, mwen di: -Ki bò m'a jwenn sekou?

canticum graduum levavi oculos meos in montes unde veniet auxilium mihi

2 Sekou mwen soti nan men Seyè a. Se li menm ki fè syèl la ak latè a.

auxilium meum a Domino qui fecit caelum et terram

3 Li p'ap kite pye ou chape, moun k'ap veye sou ou a p'ap janm dòmi.

non det in commotionem pedem tuum neque dormitet qui custodit te

4 Moun k'ap veye sou pèp Izrayèl la p'ap kabicha, li p'ap dòmi.

ecce non dormitabit neque dormiet qui custodit Israhel

5 Se Seyè a k'ap veye sou ou, l'ap kanpe bò dwat ou tankou lonbraj ou. Se li ki tout pwoteksyon ou.

Dominus custodit te Dominus protectio tua super manum dexteram tuam

6 Lajounen, solèy la p'ap fè ou anyen, lannwit, lalin lan p'ap fè ou anyen.

per diem sol non uret te neque luna per noctem

7 Seyè a ap pwoteje ou pou anyen pa rive ou, li p'ap kite anyen rive ou.

Dominus custodit te ab omni malo custodiat animam tuam Dominus

8 L'ap pwoteje ou kit w'ap antre, kit w'ap soti, depi koulye a ak pou tout tan.

Dominus custodiat introitum tuum et exitum tuum ex hoc nunc et usque in saeculum