Sòm 114

1 Lè pèp Izrayèl la te soti nan peyi Lejip, lè pitit pitit Jakòb yo te kite peyi etranje yo,

When Israel went out of Egypt, the house of Jacob from a people of strange language;

2 Bondye chwazi branch fanmi Jida a pou pèp li, moun Izrayèl yo pou byen pa l'.

Judah was his sanctuary, [and] Israel his dominion.

3 Lè Lanmè Wouj la wè l', li pran kouri san gad dèyè. Larivyè Jouden sispann koule desann.

The sea saw [it], and fled: Jordan was driven back.

4 Mòn yo sote ponpe tankou bouk kabrit, ti mòn yo sote ponpe tankou ti mouton.

The mountains skipped like rams, [and] the little hills like lambs.

5 Kisak pase ou, lanmè, kifè ou pran kouri konsa? Ou menm larivyè Jouden, kisak rive ou kifè ou sispann koule?

What [ailed] thee, O thou sea, that thou fleddest? thou Jordan, [that] thou wast driven back?

6 Nou menm mòn yo, sa nou genyen pou n'ap sote ponpe konsa tankou bouk kabrit? Nou menm ti mòn yo, poukisa n'ap sote ponpe tankou ti mouton?

Ye mountains, [that] ye skipped like rams; [and] ye little hills, like lambs?

7 Ou menm latè, tranble devan Seyè a, devan Bondye Jakòb la.

Tremble, thou earth, at the presence of the Lord, at the presence of the God of Jacob;

8 Se li menm ki fè gwo wòch la tounen yon basen dlo, li fè wòch la tounen yon sous dlo.

Which turned the rock [into] a standing water, the flint into a fountain of waters.