Sòm 111

1 Lwanj pou Seyè a! M'a fè lwanj Seyè a ak tout kè m', nan mitan moun ki mache dwat yo, nan mitan pèp Bondye a lè yo reyini.

Alléluia! Je louerai l’Eternel de tout mon cœur, dans le cercle des justes, dans l’assemblée.

2 Bagay Seyè a fè se gwo zafè! Tout moun ki kontan wè yo ap chache konprann yo.

Grandes sont les œuvres de l’Eternel, digne objet d’études pour tous ceux qui s’y complaisent.

3 Tou sa li fè, se respè, se chapo ba. Jistis li la pou tout tan.

Majesté et splendeur, telle est son action, sa justice subsiste à jamais.

4 Seyè a pa kite nou bliye bèl mèvèy li fè yo. Li gen pitye pou nou, li gen bon kè.

Il a perpétué le souvenir de ses merveilles, le Seigneur est clément et miséricordieux.

5 Li bay moun ki gen krentif pou li manje, li pa janm bliye kontra li pase ak nou an.

Il pourvoit à la nourriture de ceux qui le révèrent, se souvient éternellement de son alliance.

6 Li fè pèp li wè jan li gen pouvwa nan sa l'ap fè. Li ba yo tè lòt nasyon yo pou byen pa yo.

La puissance de ses hauts faits, il l’a révélée à son peuple, en lui donnant l’héritage des nations.

7 L'ap kenbe pawòl li, li san patipri nan tou sa l'ap fè. Nou mèt konte sou kòmandman li yo.

Les œuvres de ses mains sont vérité et justice, tous ses préceptes sont infaillibles.

8 Yo la pou tout tan, paske se bagay ki dwat, se bagay ki vre.

Ils sont inébranlables pour toute l’éternité, marqués au coin de la vérité et de la droiture.

9 Li delivre pèp li a, li pase ak yo yon kontra ki p'ap janm kase. Se Bondye tout bon li ye. Li merite vre pou moun pè li!

Il envoya la délivrance à son peuple, promulgua pour toujours son alliance; son nom est saint et redoutable.

10 Lè ou gen krentif pou Bondye, se lè sa a ou konmanse gen bon konprann! Bondye ap bay moun ki gen krentif pou li bon jijman. Wi, se tout tan pou yo fè lwanj li.

Le principe de la sagesse, c’est la crainte de l’Eternel, gage de précieuse bienveillance pour ceux qui s’en inspirent. Sa gloire subsiste à jamais.