Sòm 110

1 Se yon sòm David. Seyè a pale ak wa a, chèf mwen an, li di: -Chita la sou bò dwat mwen, jouk tan mwen fè lènmi ou yo tounen yon ti ban pou lonje pye ou.

“A psalm of David.” Jehovah said to my lord, “Sit thou at my right hand, Until I make thy foes thy footstool.”

2 Seyè a va fè ou dominen sou peyi ki lòt bò fwontyè peyi Siyon. Li di ou: -Gouvènen sou tout lènmi ou yo.

Jehovah will extend the sceptre of thy power from Zion: Rule thou in the midst of thine enemies!

3 Jou w'ap pare pou konbat lènmi ou yo, pèp ou a va prese vin ba ou konkou. Tankou lawouze nan granmaten, jenn gason ou yo va vin jwenn ou sou mòn ki apa pou Bondye a.

Thy people shall be ready, when thou musterest thy forces, in holy splendor; Thy youth shall come forth like dew from the womb of the morning.

4 Seyè a te sèmante, l'ap toujou kenbe pawòl li: -Ou se prèt pou tout tan, menm jan ak Mèlkisedèk.

Jehovah hath sworn, and he will not repent: “Thou art a priest for ever, After the order of Melchisedeck!”

5 Seyè a kanpe sou bò dwat ou. Lè l' ankòlè l'ap krabinen wa yo.

The Lord is at thy right hand, He shall crush kings in the day of his wrath.

6 L'ap jije nasyon yo, l'ap anpile kadav sou kadav, l'ap kraze chèf yo toupatou sou latè.

He shall execute justice among the nations; He shall fill them with dead bodies, He shall crush the heads of his enemies over many lands.

7 Wa a ap bwè dlo larivyè k'ap koule bò wout la. Se poutèt sa li p'ap janm bese tèt devan lènmi l' yo.

He shall drink of the brook in the way; Therefore shall he lift up his head.