Sòm 108

1 Se yon chante David. Mwen pare, Bondye. Mwen pral chante, mwen pral fè lwanj ou ak tout kè mwen.

[A Song. A Psalm by David.] My heart is steadfast, God. I will sing and I will make music with my soul.

2 M'ap pran gita mwen, m'ap pran bandjo mwen, mwen pral fè solèy leve!

Wake up, harp and lyre. I will wake up the dawn.

3 Seyè, m'a fè lwanj ou nan mitan pèp yo! M'a chante pou ou nan mitan tout nasyon yo!

I will give thanks to you, LORD, among the nations. I will sing praises to you among the peoples.

4 Ou renmen nou anpil anpil, ou toujou kenbe pawòl ou.

For your loving kindness is great above the heavens. Your faithfulness reaches to the skies.

5 Bondye, fè wè nan syèl la jan ou gen pouvwa! Fè yo wè pouvwa ou sou tout latè!

Be exalted, God, above the heavens. Let your glory be over all the earth.

6 Delivre nou ak pouvwa ou! Reponn nou lè nou lapriyè nan pye ou, pou moun ou renmen anpil yo ka jwenn delivrans.

That your beloved may be delivered, save with your right hand, and answer us.

7 Bondye rete kote ki apa pou li a, li di: -Mwen kontan anpil. Mwen pral separe lavil Sichèm. Mwen pral fè apantaj Fon Soukòt.

God has spoken from his sanctuary: "In triumph, I will divide Shechem, and measure out the Valley of Succoth.

8 Peyi Galarad, se pou mwen li ye. Peyi Manase tou. M'ap fè peyi Efrayim tounen yon kas pou pwoteje tèt mwen. Peyi Jida, se baton kòmandman m' li ye.

Gilead is mine. Manasseh is mine. Ephraim also is my helmet. Judah is my scepter.

9 Men, m'ap fè peyi Moab sèvi m' kivèt pou m' fè twalèt mwen. M'ap poze men m' sou peyi Edon. Peyi Filisti a menm, m'ap mache pran l' ak kè kontan.

Moab is my wash pot. I will toss my sandal on Edom. I will shout in triumph over Philistia."

10 Ki moun ki pou mennen m' nan lavil ki byen gade a? Ki moun ki pou mennen m' lavil Edon?

Who will bring me into the fortified city? Who has led me to Edom?

11 Eske se pa ou menm, Bondye, ki pou fè sa pou mwen, ou menm ki te vire do ban nou, ou menm ki pa soti ansanm ak lame nou yo ankò?

Haven't you rejected us, God? You do not go forth, God, with our armies.

12 Tanpri, ede nou goumen kont lènmi nou yo, paske sekou lèzòm se pawòl nan bouch.

Give us help against the enemy, for the help of man is vain.

13 Avèk Bondye bò kote nou, n'a fè bèl bagay nan lagè. Se li menm k'ap kraze lènmi nou yo anba pye l'.

Through God, we will do valiantly. For it is he who will trample down our enemies.