Sòm 106
1 Lwanj pou Seyè a! Wi, lwanj pou Seyè a paske li bon: li p'ap janm sispann renmen nou.
Praise ye Jehovah. O give thanks to Jehovah, for he is good, for his loving kindness is forever.
2 Ki moun ki ka rakonte tout gwo bagay Seyè a fè? Ki moun ki ka fin fè lwanj li?
Who can utter the mighty acts of Jehovah, or show forth all his praise?
3 Ala bon sa bon pou moun ki fè sa Bondye mande l' fè, ki toujou ap fè sa ki dwat devan li!
Blessed are those who keep justice, and he who does righteousness at all times.
4 Seyè, jan ou gen kè sansib pou pèp ou a, pa bliye m'. Pa bliye m', lè w'ap vin delivre yo.
Remember me, O Jehovah, with the favor that thou bear to thy people. O visit me with thy salvation,
5 Konsa, m'a wè jan moun ou chwazi yo alèz. M'a fè kè m' kontan ansanm ak pèp ou a. M'a pran plezi m' ansanm ak moun ki pou ou yo.
that I may see the prosperity of thy chosen, that I may rejoice in the gladness of thy nation, that I may glory with thine inheritance.
6 Tankou zansèt nou yo, nou te peche, nou te fè mechanste, nou te fè sa ki mal.
We have sinned with our fathers. We have committed iniquity. we have done wickedly.
7 Lè zansèt nou yo te nan peyi Lejip, yo pa t' konprann mirak ou te fè pou yo. Yo te bliye jan ou te renmen yo, yo leve dèyè Bondye ki gen tout pouvwa a, lè yo te bò Lanmè Wouj la.
Our fathers did not understand thy wonders in Egypt. They did not remember the multitude of thy loving kindnesses, but were rebellious at the sea, even at the Red Sea.
8 Men, li te sove yo pou sa sèvi yon lwanj pou li, pou l' moutre jan li gen pouvwa.
Nevertheless he saved them for his name's sake, that he might make his mighty power to be known.
9 Li te pase Lanmè Wouj la lòd, lanmè a cheche. Li fè pèp li mache nan fon lanmè a tankou si se te nan yon dezè.
He also rebuked the Red Sea, and it was dried up. So he led them through the depths as through a wilderness.
10 Li sove yo anba men moun ki te rayi yo, li delivre yo anba men lènmi yo.
And he saved them from the hand of him who hated them, and redeemed them from the hand of the enemy.
11 Dlo a neye tout lènmi yo. Pa gen yonn ki chape.
And the waters covered their adversaries; there was not one of them left.
12 Se lè sa a pèp li a vin kwè sa l' te di a, yo chante pou fè lwanj li.
Then they believed his words. They sang his praise.
13 Men, lamenm, yo bliye sa l' te fè pou yo. Yo pa t' tann li fin fè pou yo sa l' te gen nan lide l'.
They soon forgot his works. They did not wait for his counsel,
14 Yo kite lanvi pran pye sou yo nan dezè a, yo t'ap gade ki bò Bondye ye ak yo.
but lusted exceedingly in the wilderness, and challenged God in the desert.
15 Se konsa, Bondye ba yo sa yo te mande l' la. Men, li voye yon move maladi sou yo pou touye yo.
And he gave them their request, but sent leanness into their soul.
16 Antan yo la nan dezè a yo te rayi sò Moyiz ak sò Arawon, sèvitè Bondye te chwazi a.
They also envied Moses in the camp, and Aaron the sanctified of Jehovah.
17 Se konsa latè a fann, li vale Datan, li fèmen sou Abiram ansanm ak tout moun ki te fè bann ak li yo.
The earth opened and swallowed up Dathan, and covered the company of Abiram.
18 Dife grennen sou tout bann lan, li boule tout mechan yo.
And a fire was kindled in their company. The flame burned up the wicked men.
19 Lè yo te Orèb, yo fè pòtre yon ti towo bèf, yo adore zidòl yo te fè ak lò a.
They made a calf in Horeb, and worshiped a molten image.
20 Yo pran lwanj ki pou Bondye a bay yon pòtre bèf ki manje zèb.
Thus they changed their glory for the likeness of an ox that eats grass.
21 Yo bliye Bondye ki te delivre yo a, avèk gwo mèvèy li te fè nan peyi Lejip,
They forgot God their Savior, who had done great things in Egypt,
22 mirak li te fè nan peyi Kam lan, mèvèy li tè fè bò Lanmè Wouj la.
wondrous works in the land of Ham, and fearful things by the Red Sea.
23 Se konsa Bondye di l'ap detwi pèp li a. Men, Moyiz, moun li te chwazi a, kanpe devan li. Li mande l' pou l' pa fè kòlè jouk pou li ta detwi yo.
Therefore he said that he would destroy them, had not Moses his chosen stood before him in the breach, to turn away his wrath, lest he should destroy.
24 Yo pa t' vle tande pale sou peyi kote pou yo jwenn tout bon bagay la paske yo pa t' kwè pawòl Bondye.
Yea, they despised the pleasant land. They did not believe his word,
25 Yo rete anba tant yo, y'ap bougonnen. Yo pa t' vle koute Seyè a.
but murmured in their tents, and did not hearken to the voice of Jehovah.
26 Lè sa a, Seyè a leve men l', li sèmante l'ap fè yo peri nan dezè a.
Therefore he swore to them, that he would overthrow them in the wilderness,
27 L'ap gaye tout pitit pitit yo nan mitan lòt nasyon yo, l'ap kite yo mouri toupatou nan peyi etranje.
and that he would overthrow their seed among the nations, and scatter them in the lands.
28 Men, pèp Bondye a mete tèt yo ansanm pou y' al adore Baal lavil Peyò. Yo manje bèt yo te touye ofri bay mò yo.
They also joined themselves to Baal-peor, and ate the sacrifices of the dead.
29 Sa te moute kolè Seyè a anpil sou yo lè li wè sa yo t'ap fè. Se poutèt sa maladi tonbe sou yo.
Thus they provoked him to anger with their doings, and the plague broke in upon them.
30 Men, Fineas leve, li mete lòd, li pini koupab yo, epi pèp la geri.
Then Phinehas stood up, and executed judgment, and so the plague was stayed.
31 Bagay sa ki rive a te fè yo bay Fineas rezon depi lè sa a pou tout tan.
And that was reckoned to him for righteousness to all generations for evermore.
32 Pèp la te fè Seyè a fache anpil bò sous dlo Meriba a. Sa te fè Moyiz lapenn pou yo.
They also angered him at the waters of Meribah, so that it went ill with Moses because of them,
33 Sa te fè Moyiz sitèlman fache, li te rive fè bagay li pa t' gen dwa fè.
because they were rebellious against his spirit, and he spoke ill-advisedly with his lips.
34 Yo pa t' detwi moun lòt nasyon yo jan Seyè a te mande yo fè a.
They did not destroy the peoples, as Jehovah commanded them,
35 Men, okontrè, yo te marye ak yo, yo pran tout vye mès yo.
but mingled themselves with the nations, and learned their works,
36 Yo pran adore zidòl yo. Sa tounen yon pèlen pou yo.
and served their idols, which became a snare to them.
37 Yo ofri pwòp pitit gason ak pwòp pitit fi yo pou touye bay zidòl yo.
Yea, they sacrificed their sons and their daughters to demons,
38 Yo touye ti inonsan sa yo, pwòp pitit gason ak pitit fi yo. Yo ofri yo bay zidòl moun peyi Kanaran yo. Se konsa yo fin derespekte tout peyi a ak san moun yo te touye.
and shed innocent blood, even the blood of their sons and of their daughters, whom they sacrificed to the idols of Canaan. And the land was polluted with blood.
39 Avèk sa yo t'ap fè a, yo avili tèt yo, yo vire do bay Bondye.
Thus they were defiled with their works, and played the harlot in their doings.
40 Seyè a te fache anpil sou pèp li a. Li te degoute ak pitit li yo.
Therefore the wrath of Jehovah was kindled against his people, and he abhorred his inheritance.
41 Li lage yo nan men moun lòt nasyon yo. Moun ki te rayi yo mete pye sou kou yo.
And he gave them into the hand of the nations. And those who hated them ruled over them.
42 Lènmi yo t'ap peze yo, yo te soumèt yo nèt anba men yo.
Their enemies also oppressed them, and they were brought into subjection under their hand.
43 Seyè a te delivre pèp li a anpil fwa. Men, yo te pito revòlte kont li, yo te tonbe pi mal nan fè peche.
Many times he delivered them, but they were rebellious in their counsel, and were brought low in their iniquity.
44 Men, Seyè a te wè mizè yo, li te tande jan y'ap rele.
Nevertheless he regarded their distress when he heard their cry.
45 Li chonje kontra li te pase ak yo, li gen pitye pou yo paske li renmen yo anpil.
And he remembered his covenant for them, and relented according to the multitude of his loving kindnesses.
46 Li fè moun ki te kenbe yo prizonye gen pitye pou yo.
He also made them to be pitied by all those who carried them captive.
47 Delivre nou non, Seyè, Bondye nou. Fè nou soti nan tout peyi kote nou gaye yo. Sanble nou non, pou nou ka di ou mèsi pou tout bagay ou menm ase ou ka fè, pou nou ka kontan lè n'ap fè lwanj ou.
Save us, O Jehovah our God, and gather us from among the nations, to give thanks to thy holy name, and to triumph in thy praise.
48 Ann fè lwanj Seyè a, Bondye pèp Izrayèl la! Ann fè lwanj li depi tout tan ak pou tout tan! Epi tout pèp la pran reponn: Wi, se vre! Lwanj pou Seyè a!
Blessed be Jehovah, the God of Israel, from everlasting even to everlasting. And let all the people say, Truly. Praise ye Jehovah.
