Sòm 101

1 Se yon sòm David. M'ap chante pou yon moun ki gen bon kè. M'ap chante pou yon moun ki pa nan patipri. Se pou ou m'ap chante, Seyè!

I will sing of mercy and judgment: unto you, O LORD, will I sing.

2 M'ap mennen yon lavi san repwòch. Kilè w'a vin jwenn mwen?

I will behave myself wisely in a perfect way. O when will you come unto me? I will walk within my house with a perfect heart.

3 M'ap mennen yon lavi san repwòch anndan lakay mwen. Mwen p'ap mete okenn move lide nan tèt mwen. Mwen rayi sa moun ki vire do bay Bondye yo ap fè. Bagay konsa pa ka pran tèt mwen.

I will set no wicked thing before mine eyes: I hate the work of them that turn aside; it shall not cleave to me.

4 Mwen pa tolere moun ki gen move kè bò kote m'. Mwen pa gen anyen pou m' wè ak moun ki mechan.

A perverse heart shall depart from me: I will not know a wicked person.

5 M'ap disparèt tout moun k'ap pale zanmi yo mal an kachèt. Mwen p'ap tolere moun k'ap fè grandizè, moun k'ap pran pòz gwokolèt yo sou moun.

Whoso privately slanders his neighbour, him will I cut off: him that has an high look and a proud heart will not I suffer.

6 M'ap pran swen moun nan peyi a ki kenbe Bondye fèm. M'ap kite yo rete bò kote m'. Moun k'ap mache dwat yo, se yo m'ap pran pou sèvi lakay mwen.

Mine eyes shall be upon the faithful of the land, that they may dwell with me: he that walks in a perfect way, he shall serve me.

7 Mwen p'ap kite moun k'ap twonpe moun rete lakay mwen. Moun k'ap bay manti p'ap rete kanpe devan mwen.

He that works deceit shall not dwell within my house: he that tells lies shall not tarry in my sight.

8 Chak maten m'ap fini avèk tout mechan ki nan peyi a. Konsa, m'ap mete tout moun k'ap fè sa ki mal yo deyò nan lavil Seyè a.

I will early destroy all the wicked of the land; that I may cut off all wicked doers from the city of the LORD.