Jòb 39
1 Eske ou konnen lè kabrit mawon yo ap fè pitit? Eske ou janm wè kote fenmèl yo ap miba?
| הידעת--עת לדת יעלי-סלע חלל אילות תשמר |
2 Eske ou konnen konbe mwa yo pote yon pitit nan vant yo? Kilè pitit yo rive dat pou yo fèt?
| תספר ירחים תמלאנה וידעת עת לדתנה |
3 Eske ou konnen lè yo pral kwoupi pou miba, lè y'ap fè pitit yo nan mitan dezè a?
| תכרענה ילדיהן תפלחנה חבליהם תשלחנה |
4 Pitit yo grandi, yo pran fòs, yo kite manman yo, y' ale, yo pa tounen.
| יחלמו בניהם ירבו בבר יצאו ולא-שבו למו |
5 Ki moun ki bay bourik mawon libète yo? Ki moun ki lage yo nan savann?
| מי-שלח פרא חפשי ומסרות ערוד מי פתח |
6 Mwen ba yo dezè pou kay yo. Mwen kite yo viv nan savann tè sale a.
| אשר-שמתי ערבה ביתו ומשכנותיו מלחה |
7 Tout bri k'ap fèt nan lavil yo pa di yo anyen. Pesonn pa ka donte yo pou fè yo travay.
| ישחק להמון קריה תשאות נגש לא ישמע |
8 Yo mache nan tout mòn yo dèyè manje. Y'ap chache fèy vèt pou yo mete anba dan yo.
| יתור הרים מרעהו ואחר כל-ירוק ידרוש |
9 Eske ou ka fè bèf mawon travay pou ou? Eske l'ap rete pase nwit mare nan lakou kay ou?
| היאבה רים עבדך אם-ילין על-אבוסך |
10 Eske ou ka pase kòd nan kou yonn pou fè l' raboure tè a pou ou? Eske ou ka fè l' rale chari pou woule tè jaden ou yo?
| התקשר-רים בתלם עבתו אם-ישדד עמקים אחריך |
11 Eske ou ka konte sou gwo fòs kouraj li pou fè li travay di pou ou?
| התבטח-בו כי-רב כחו ותעזב אליו יגיעך |
12 Eske ou kwè l'ap asepte pote rekòt ou soti nan jaden? Eske l'ap asepte ranmase grenn ou yo sou glasi?
| התאמין בו כי-ישוב (ישיב) זרעך וגרנך יאסף |
13 Otrich alèz lè l'ap bat zèl li, men, li pa ka vole tankou sigòy.
| כנף-רננים נעלסה אם-אברה חסידה ונצה |
14 Otrich la ponn ze l' yo atè konsa. Se chalè tè a ki fè yo kale.
| כי-תעזב לארץ בציה ועל-עפר תחמם |
15 Li pa konnen nenpòt moun k'ap pase ka pile yo, nenpòt bèt nan raje ka kraze yo anba pye.
| ותשכח כי-רגל תזורה וחית השדה תדושה |
16 Li fè tankou ze yo pa pou li. Sa pa di l' anyen si li bay tèt li tout lapenn ponn ze yo pou gremesi,
| הקשיח בניה ללא-לה לריק יגיעה בלי-פחד |
17 Se mwen menm, Bondye, ki fè l' sòt konsa, ki pa ba li lespri menm.
| כי-השה אלוה חכמה ולא-חלק לה בבינה |
18 Men, lè l' pran kouri, nanpwen kavalye sou chwal ki ka pran devan l'.
| כעת במרום תמריא תשחק לסוס ולרכבו |
19 Eske se ou menm ki bay chwal yo fòs, ki mete bèl krenyen sou kou yo?
| התתן לסוס גבורה התלביש צוארו רעמה |
20 Eske se ou ki fè yo sote ponpe tankou kabrit, ki fè yo ranni pou fè moun pè?
| התרעישנו כארבה הוד נחרו אימה |
21 Y'ap pyafe konsa nan ti fon yo, y'ap bat tè a ak zago yo. Yo kouri ak tout fòs yo lè yo nan lagè.
| יחפרו בעמק וישיש בכח יצא לקראת-נשק |
22 Se brave danje yo ye. Yo pa janm pè anyen. Pa gen zam ki pou fè yo fè bak.
| ישחק לפחד ולא יחת ולא-ישוב מפני-חרב |
23 Lè konsa, ti sak flèch ki nan do kavalye yo ap fè bri. Lans ak frenn ki nan men yo ap fè zèklè.
| עליו תרנה אשפה להב חנית וכידון |
24 Yo eksite, yo pa ka tann. Y'ap kouri sou lènmi an. Lè yo tande twonpèt la soufle, yo pa ka rete an plas.
| ברעש ורגז יגמא-ארץ ולא-יאמין כי-קול שופר |
25 Chak fwa twonpèt la soufle, yo fè han! Yo gen tan pran sant batay la byen lwen. Yo tande chèf yo k'ap pase lòd byen fò.
| בדי שפר יאמר האח-- ומרחוק יריח מלחמה רעם שרים ותרועה |
26 Eske se ou ki moutre grigri jan pou l' vole lè li louvri zèl li yo vole ale nan sid?
| המבינתך יאבר-נץ יפרש כנפו לתימן |
27 Eske se ou ki bay malfini lòd pou li fè nich li byen wo sou tèt mòn yo?
| אם-על-פיך יגביה נשר וכי ירים קנו |
28 Li rete sou tèt gwo wòch yo. Se la li pase nwit. Kote l' ye a, moun pa ka vin pran l'.
| סלע ישכן ויתלנן-- על שן-סלע ומצודה |
29 Se la li rete, l'ap veye bèt pou l' trape manje. Li te mèt byen lwen, l'ap wè yo ak je li.
| משם חפר-אכל למרחוק עיניו יביטו |
30 Se san bèt ti malfini yo bwè. Kote ki gen kadav, se la yo ye.
| ואפרחו יעלעו-דם ובאשר חללים שם הוא |
