Jòb 33
1 Atòkile, Jòb, tanpri, koute sa m'ap di ou. Louvri zòrèy ou byen pou ou tande m'.
| ואולם--שמע-נא איוב מלי וכל-דברי האזינה |
2 M' pare pou m' di dènye sa ki vin nan bouch mwen.
| הנה-נא פתחתי פי דברה לשוני בחכי |
3 M' pral di tou sa ki nan kè m'. Se verite a tou senp mwen pral pale.
| ישר-לבי אמרי ודעת שפתי ברור מללו |
4 Se lespri Bondye a ki fè m'. Se souf Bondye ki gen tout pouvwa a ki ban m' lavi.
| רוח-אל עשתני ונשמת שדי תחיני |
5 Si ou kapab, w'a reponn mwen. Pare kò ou. Pran pozisyon batay ou avè m'.
| אם-תוכל השיבני ערכה לפני התיצבה |
6 Ou menm avè m', devan Bondye nou tout se menm. Nou tou de, se ak labou li fè nou.
| הן-אני כפיך לאל מחמר קרצתי גם-אני |
7 Ou wè! Ou pa bezwen pè m'! Mwen pa ka fè ou anyen!
| הנה אמתי לא תבעתך ואכפי עליך לא-יכבד |
8 Mwen te tande ou ak de zòrèy mwen. Ki jan ou fè ka di:
| אך אמרת באזני וקול מלין אשמע |
9 Mwen menm, mwen inonsan. M' pa fè ankenn peche! M' pa gen anyen sou konsyans mwen.
| זך אני בלי-פשע חף אנכי ולא עון לי |
10 Men, se Bondye ki pretann mwen ba l' jwen pou l' atake m'. Se li menm k'ap aji avè m' tankou si mwen te lènmi l'.
| הן תנואות עלי ימצא יחשבני לאויב לו |
11 Li mete de pye m' nan sèp. L'ap veye tou sa m'ap fè.
| ישם בסד רגלי ישמר כל-ארחתי |
12 La, Jòb monchè, m'ap reponn ou: ou antò. Paske Bondye pa kanmarad moun.
| הן-זאת לא-צדקת אענך כי-ירבה אלוה מאנוש |
13 Poukisa w'ap chache Bondye kont konsa? Se paske li pa reponn lè w'ap plenyen nan pye l'?
| מדוע אליו ריבות כי כל-דבריו לא יענה |
14 Bondye pale divès jan. Men, pesonn pa okipe sa l'ap di.
| כי-באחת ידבר-אל ובשתים לא ישורנה |
15 Lè moun kouche nan kabann yo, lè yo fon nan dòmi lannwit, Bondye pale ak yo nan rèv, nan vizyon.
| בחלום חזיון לילה--בנפל תרדמה על-אנשים בתנומות עלי משכב |
16 Li fè yo konnen sa li gen pou l' di yo. Li ba yo avètisman pou yo mache sou piga yo.
| אז יגלה אזן אנשים ובמסרם יחתם |
17 Li vle pou yo kite move chemen y'ap swiv la, pou yo pa kite lògèy vire tèt yo.
| להסיר אדם מעשה וגוה מגבר יכסה |
18 Konsa, yo p'ap mouri. Y'a sove lavi yo.
| יחשך נפשו מני-שחת וחיתו מעבר בשלח |
19 Bondye avèti moun tou lè li voye maladi sou yo. Li ba yo doulè nan tout kò yo.
| והוכח במכאוב על-משכבו וריב (ורוב) עצמיו אתן |
20 Li bay yo degoutans manje. Yo pèdi anvi manje menm lò manje a gou.
| וזהמתו חיתו לחם ונפשו מאכל תאוה |
21 Y'ap depafini, tout moun wè jan y'ap vin mèg. Tout zo nan kò yo griyen.
| יכל בשרו מראי ושפי (ושפו) עצמתיו לא ראו |
22 Sa ki rete pou yo mouri a, pou y' ale nan peyi san chapo a pa anyen.
| ותקרב לשחת נפשו וחיתו לממתים |
23 Lè sa a, yon zanj Bondye ka vin bò kote l', yonn nan milyonven zanj Bondye yo ki la pou fè moun chonje devwa yo.
| אם-יש עליו מלאך--מליץ אחד מני-אלף להגיד לאדם ישרו |
24 Zanj lan va gen pitye pou li. L'a di Bondye: -Tanpri, pa kite l' mouri. M'ap peye pou sove lavi li.
| ויחננו--ויאמר פדעהו מרדת שחת מצאתי כפר |
25 Kò li va refè, l'a vin fre tankou lè l' te jenn.
| רטפש בשרו מנער ישוב לימי עלומיו |
26 Li lapriyè Bondye, Bondye reponn li. li al adore Bondye ak kè kontan. Bondye padonnen l' devan tout moun.
| יעתר אל-אלוה וירצהו וירא פניו בתרועה וישב לאנוש צדקתו |
27 L'ap mache bay Bondye lwanj toupatou. L'ap di: -Mwen te peche, mwen te fè sa ki mal. Men, Bondye pa fè m' peye pou sa m' te fè a.
| ישר על-אנשים ויאמר חטאתי וישר העויתי ולא-שוה לי |
28 Li egzante m' lanmò. Li ban m' lavi ankò.
| פדה נפשי (נפשו) מעבר בשחת וחיתי (וחיתו) באור תראה |
29 Men tou sa Bondye ap fè, de fwa, twa fwa pou lèzòm,
| הן-כל-אלה יפעל-אל-- פעמים שלוש עם-גבר |
30 pou l' pa kite yo mouri, pou l' ba yo lavi ak kè kontan.
| להשיב נפשו מני-שחת-- לאור באור החיים |
31 Koulye a, Jòb, louvri zòrèy ou! Koute byen sa m'ap di! Pe bouch ou la! Kite m' fin pale!
| הקשב איוב שמע-לי החרש ואנכי אדבר |
32 Men, si ou gen kichòy ou vle di, pale; m'ap koute ou. Paske mwen ta vle ba ou rezon.
| אם-יש-מלין השיבני דבר כי-חפצתי צדקך |
33 Osinon, pe bouch ou, koute m' pito! Kite m' moutre ou sa ki rele gen bon konprann.
| אם-אין אתה שמע-לי החרש ואאלפך חכמה |
