Jòb 18
1 Bildad, moun peyi Chwa a, pran lapawòl, li di konsa:
Epi Bildad, Shuach la te reponn:
2 -Jòb monchè, ou pa ka pe bouch ou yon ti kadè? Si ou te fè yon ti sispann, nou ta pale avè ou!
“Pou jiskilè ou va chase pawòl? Montre bon sans ou pou nou kab pale.
3 Poukisa ou pran nou pou moun san konprann? Poukisa ou pran nou pou zannimo?
Poukisa nou gade tankou bèt, tankou sòt nan zye ou?
4 Si ou ankòlè, se pwòp tèt ou ase w'ap fè mal. Atò, poutèt ou, se pou tout moun sou latè te mouri? Se pou Bondye te deplase mòn yo pou fè ou plezi?
O ou menm ki chire pwòp kò ou menm nan kòlè ou, èske se pou lakoz ou menm ke tè a ta abandone, oswa wòch la deplase nan plas li?
5 Wi, y'ap touye limyè mechan an, flanm dife l' la p'ap klere ankò.
“Anverite, limyè a mechan an va etenn, e flanm dife li pap bay limyè.
6 Lanp lakay li ap mouri, limyè lakay li ap tenyen.
Limyè nan tant li an vin fènwa, e lanp li etenn sou li.
7 Li te konn mache byen enganm, koulye a se ti pa ti pa, l'ap bite. Se plan li t'ap fè yo ki lakòz sa rive l'.
Gran pa dyanm li yo vin kout, e pwòp manèv li a vin desann li.
8 Li pile yon pèlen, pye l' pran ladan l'.
Paske li tonbe nan pèlen an akoz pwòp pye li e li mache sou file a.
9 Kòd la mare nan je pye l', l'ap sere l' byen sere.
Yon pèlen pran l pa talon, e yon filè vin fèmen sou li.
10 Yo kache yon chita tann pou li anba tè. Yo moute yon pèlen sou wout li.
Yon pyèj kache pou li nan tè a, e yon zatrap sou chemen li.
11 Kote l' vire, malè ap tann li. Kote l' pase, yo la dèyè l'.
Patou laperèz fè l sezi e kouri dèyè l nan chak pa ke li fè.
12 Grangou nan kò l' fini ak kouraj li. Malè kanpe la bò kote l' ap tann li.
Fòs li vin epwize e gwo dega parèt akote li.
13 Yon sèl maladi po pete sou tout kò l'. L'ap manje tout janm li ak tout bra li yo. Se tè ki pou geri l'.
Kò li devore pa maladi; premye ne lanmò a devore manm kò li yo.
14 Yo rale l' mete deyò anba tant kote li te al kache a. Yo trennen l' devan jeneral Lanmò.
Li fin chire soti nan sekirite tant li an e yo pran l pou l parèt devan wa laperèz la.
15 Koulye a, nenpòt moun gen dwa pran kay li a pou yo. Y'ap dezenfèkte l' nèt ak souf.
Anyen pa rete nan tant li ki pou li; souf gaye toupatou sou abitasyon li.
16 Anba tè, rasin li yo ap mouri. Anwo tè, branch li yo ap fennen.
Rasin li vin sèch anba li, e branch li fin koupe pa anwo.
17 p'ap gen pesonn k'ap chonje l' ankò sou latè. Y'ap bliye l' nèt nan tout peyi a.
Memwa li fin disparèt sou tè a men li pa gen non nan okenn lòt peyi.
18 Y'ap pouse l' soti nan limyè ale nan fènwa. Y'ap depòte l' byen lwen nan peyi san chapo.
Li bourade pouse lwen limyè a pou rive nan tenèb, e chase jis deyò mond kote moun rete a.
19 Li p'ap kite ni pitit, ni ankenn lòt fanmi nan mitan pèp la. Yo tout ap mouri anvan l'.
Li pa gen ni desandan ni posterite pami pèp li a, ni okenn moun ki rete kote li te demere.
20 Depi solèy leve jouk solèy kouche, tout moun pral sezi wè jan li fini.
Sila nan lwès yo vin revòlte de desten li e sila nan lès yo vin sezi ak laperèz.
21 Wi, men sa k'ap tann lakou moun k'ap fè mechanste yo, fanmi moun ki pa respekte Bondye yo.
Anverite, se konsa abitasyon a mechan yo ye a. Sa se plas a sila ki pa konnen Bondye a.”
