ગીતશાસ્ત્ર 82

1 ૧ મુખ્ય ગવૈયાને માટે; રાગ ગિત્તિથ. આસાફનું (ગીત). ઈશ્વર પવિત્ર સભામાં ઊભા રહે છે; તે દેવો મધ્યે ન્યાય કરે છે.

מזמור לאסף אלהים נצב בעדת אל בקרב אלהים ישפט׃

2 ૨ તમે ક્યાં સુધી ગેરઇનસાફ કરશો? અને ક્યાં સુધી તમે દુષ્ટો ઉપર વિશેષ કૃપા કરવાનું ચાલુ રાખશો? (સેલાહ)

עד מתי תשפטו עול ופני רשעים תשאו סלה׃

3 ૩ ગરીબ તથા અનાથનો ન્યાય કરો; દુ: ખિત અને લાચારને ઇનસાફ આપો.

שפטו דל ויתום עני ורש הצדיקו׃

4 ૪ ગરીબ તથા જરૂરિયાતમંદોને છોડાવો; તેઓને દુષ્ટોની પકડમાંથી મુક્ત કરો.

פלטו דל ואביון מיד רשעים הצילו׃

5 ૫ તેઓ જાણતા નથી કે સમજતા નથી; તેઓ અંધકારમાં ભટકતા ફરે છે; પૃથ્વીના તમામ પાયા હાલી ઊઠ્યા છે.

לא ידעו ולא יבינו בחשכה יתהלכו ימוטו כל מוסדי ארץ׃

6 ૬ મેં કહ્યું કે, “તમે દેવો છો અને તમે સર્વ પરાત્પરના દીકરાઓ છો.

אני אמרתי אלהים אתם ובני עליון כלכם׃

7 ૭ તોપણ તમે માણસની જેમ મૃત્યુ પામશો અને રાજકુમારની જેમ પડશો.”

אכן כאדם תמותון וכאחד השרים תפלו׃

8 ૮ હે ઈશ્વર, ઊઠો, પૃથ્વીનો ન્યાય કરો, કારણ કે તમે સર્વ વિદેશીઓને વારસા તરીકે પામશો.

קומה אלהים שפטה הארץ כי אתה תנחל בכל הגוים׃