ગીતશાસ્ત્ર 111

1 ૧ યહોવાહની સ્તુતિ કરો. ન્યાયીઓની સભામાં અને મંડળીઓમાં હું ખરા હૃદયથી યહોવાહની આભારસ્તુતિ કરીશ.

הללו יה אודה יהוה בכל לבב בסוד ישרים ועדה׃

2 ૨ યહોવાહનાં કાર્યો મહાન છે, જે બાબતો તેઓ ઇચ્છે છે તેની તેઓ આતુરતાપૂર્વક રાહ જુએ છે.

גדלים מעשי יהוה דרושים לכל חפציהם׃

3 ૩ તેમનાં કાર્યો તેજસ્વી અને મહિમાવંત છે અને તેમનું ન્યાયીપણું સદાકાળ ટકે છે.

הוד והדר פעלו וצדקתו עמדת לעד׃

4 ૪ તેમણે પોતાના ચમત્કારી કાર્યોથી પોતાને માટે સ્મારક કર્યું છે; યહોવાહ દયાળુ તથા કૃપાથી ભરપૂર છે.

זכר עשה לנפלאתיו חנון ורחום יהוה׃

5 ૫ તે પોતાના અનુયાયીઓને ખોરાક પૂરો પાડે છે. તે પોતાના કરારનું હંમેશાં સ્મરણ રાખશે.

טרף נתן ליראיו יזכר לעולם בריתו׃

6 ૬ વિદેશીઓનો વારસો પોતાના લોકોને આપીને તેમણે તેઓને પોતાનાં અદ્દભુત કાર્યોનું પરાક્રમ બતાવ્યું છે.

כח מעשיו הגיד לעמו לתת להם נחלת גוים׃

7 ૭ તેમના હાથનાં કામ સત્ય અને ન્યાયી છે; તેમની સર્વ આજ્ઞાઓ વિશ્વસનીય છે.

מעשי ידיו אמת ומשפט נאמנים כל פקודיו׃

8 ૮ તેઓ સદા સ્થિર રખાયેલી છે, અને સત્યતાથી તથા વિશ્વાસુપણાથી કરવામાં આવી છે.

סמוכים לעד לעולם עשוים באמת וישר׃

9 ૯ તેમણે પોતાના લોકોને વિજય આપ્યો છે; પોતાનો કરાર સદાકાળ માટે ફરમાવ્યો છે; તેમનું નામ પવિત્ર અને ભયાવહ છે.

פדות שלח לעמו צוה לעולם בריתו קדוש ונורא שמו׃

10 ૧૦ યહોવાહને માન આપવું એ બુદ્ધિની શરૂઆત છે. જે લોકો તેમની સૂચનાઓનું પાલન કરે છે, તેઓ સમજદાર છે. તેમની સ્તુતિ સર્વકાળ થશે.

ראשית חכמה יראת יהוה שכל טוב לכל עשיהם תהלתו עמדת לעד׃