Thaburi 96

1 Inĩrai Jehova rwĩmbo rwerũ; inĩrai Jehova, inyuĩ andũ a thĩ yothe.

Sing to YHWH a new song. Sing to YHWH, all the earth.

2 Inĩrai Jehova, goocai rĩĩtwa rĩake; hunjagiai ũhonokio wake mũthenya o mũthenya.

Sing to YHWH. Bless his name. Proclaim his salvation from day to day.

3 Umbũrai riiri wake kũrĩ ndũrĩrĩ, mumbũre mawĩko make ma kũgegania kũrĩ andũ othe.

Declare his glory among the nations, his marvelous works among all the peoples.

4 Nĩgũkorwo Jehova nĩ mũnene, na nĩ wa kũgoocwo mũno; nĩwe wa gwĩtigĩrwo gũkĩra ngai ciothe.

For great is YHWH, and greatly to be praised. He is to be feared above all gods.

5 Nĩgũkorwo ngai ciothe cia ndũrĩrĩ nĩ mĩhianano, no Jehova nĩwe wombire igũrũ.

For all the gods of the peoples are idols, but YHWH made the heavens.

6 Riiri na ũnene irĩ mbere yake; hinya na riiri irĩ handũ hake harĩa haamũre.

Honor and majesty are before him. Strength and beauty are in his sanctuary.

7 Tũũgĩriai Jehova, inyuĩ mĩhĩrĩga ya ndũrĩrĩ, mũtũgĩrie Jehova nĩ ũndũ wa riiri na hinya wake.

Ascribe to YHWH, you families of nations, ascribe to YHWH glory and strength.

8 Tũũgĩriai Jehova nĩ ũndũ wa riiri ũrĩa wagĩrĩire rĩĩtwa rĩake; mũreherei maruta na mũũke nja-inĩ ciake.

Ascribe to YHWH the glory due to his name. Bring an offering, and come into his courts.

9 Hooyai Jehova thĩinĩ wa riiri wa ũtheru wake; inainai mũrĩ mbere yake, inyuĩ andũ a thĩ yothe.

Worship YHWH in holy array. Tremble before him, all the earth.

10 Ĩrai ndũrĩrĩ atĩrĩ, “Jehova nĩarathamaka.” Thĩ nĩĩhaandĩtwo ĩkarũma, ndĩngĩenyenyeka; agatuĩra kĩrĩndĩ ciira akĩigananĩtie.

Say among the nations, "YHWH reigns." The world is also established. It can't be moved. He will judge the peoples with equity.

11 Igũrũ nĩrĩkene, thĩ nĩĩcanjamũke; iria nĩrĩrurume, na indo iria ciothe irĩ thĩinĩ warĩo;

Let the heavens be glad, and let the earth rejoice. Let the sea roar, and its fullness.

12 mĩgũnda nĩĩkenerũrũke, na indo iria ciothe irĩ thĩinĩ wayo. Hĩndĩ ĩyo mĩtĩ yothe ya mũtitũ nĩĩkaina nĩ gũkena;

Let the field and all that is in it exult. Then all the trees of the woods shall sing for joy

13 ĩkaina ĩrĩ mbere ya Jehova, nĩgũkorwo nĩarooka, arooka gũtuĩra thĩ ciira. Agaatuĩra thĩ ciira na ũthingu, na kĩrĩndĩ agĩtuĩre na ma yake.

before YHWH; for he comes, for he comes to judge the earth. He will judge the world with righteousness, the peoples with his truth.