Thaburi 83

1 Thaburi ya Asafu Wee Ngai-rĩ, ndũgakire; tiga gũikara ũtumĩtie, Wee Mũrungu, ndũgaikare wĩnyiitanĩirie.

Canción: Salmo de Asaph. OH Dios, no tengas silencio: no calles, oh Dios, ni te estés quieto.

2 Ta rora wone ũrĩa thũ ciaku iranegena, acio magũthũire makambararia mĩtwe yao.

Porque he aquí que braman tus enemigos; y tus aborrecedores han alzado cabeza.

3 Mathugundaga ndundu ya gũũkĩrĩra andũ aku na wara; maciiragĩrĩra gũũkĩrĩra andũ arĩa wendete.

Sobre tu pueblo han consultado astuta y secretamente, y han entrado en consejo contra tus escondidos.

4 Meranaga atĩrĩ, “Ũkai, tũmaniine matige gũtuĩka rũrĩrĩ, nĩguo rĩĩtwa rĩa Isiraeli rĩtikanacooke kũririkanwo rĩngĩ.”

Han dicho: Venid, y cortémoslos de ser pueblo, y no haya más memoria del nombre de Israel.

5 Maciiraga marĩ na ngoro ĩmwe; maiguithanagĩria magũũkĩrĩre:

Por esto han conspirado de corazón á una, contra ti han hecho liga;

6 andũ a hema cia Edomu, na cia Aishumaeli, na cia Moabi, na cia Ahagari,

Los pabellones de los Idumeos y de los Ismaelitas, Moab y los Agarenos;

7 na cia Gebali, na cia Amoni, na cia Amaleki, na cia Filistia, hamwe na andũ a Turo.

Gebal, y Ammón, y Amalec; los Filisteos con los habitadores de Tiro.

8 O na Ashuri nĩmegwatanĩtie nao nĩguo mateithĩrĩrie njiaro cia Loti.

También el Assur se ha juntado con ellos: son por brazo á los hijos de Lot. (Selah)

9 Meeke o ta ũrĩa wekire Amidiani, na o ta ũrĩa wekire Sisera na Jabini rũũĩ-inĩ rwa Kishoni,

Hazles como á Madián; como á Sísara, como á Jabín en el arroyo de Cisón;

10 o acio maaniinĩirwo Enidoru, na magĩtuĩka ta thumu wa kũnoria tĩĩri.

Que perecieron en Endor, fueron hechos muladar de la tierra.

11 Tũma andũ ao arĩa marĩ igweta mahaane ta Orebu na Zeebu, anene ao othe ũmahaananie na Zeba na Zalimuna,

Pon á ellos y á sus capitanes como á Oreb y como á Zeeb; y como á Zeba y como á Zalmunna, á todos sus príncipes;

12 arĩa moigire atĩrĩ, “Nĩtwĩgwatĩrei bũrũri wa ũrĩithio wa Ngai ũtuĩke witũ.”

Que han dicho: Heredemos para nosotros las moradas de Dios.

13 Wee Ngai wakwa, matue ta rũkũngũ rũrĩa rũgũrũkagio, mahaane o ta mũũngũ ũmbũrĩtwo nĩ rũhuho.

Dios mío, ponlos como á torbellinos; como á hojarascas delante del viento.

14 O ta ũrĩa mwaki ũcinaga mũtitũ kana ta rũrĩrĩmbĩ rũgĩcina irĩma-rĩ,

Como fuego que quema el monte, como llama que abrasa las breñas.

15 maingatithie o ro ũguo na kĩhuhũkanio gĩaku, na ũmamakie mũno na huho ciaku nene.

Persíguelos así con tu tempestad, y asómbralos con tu torbellino.

16 Humba mothiũ mao thoni, nĩgeetha andũ marongorie rĩĩtwa rĩaku, Wee Jehova.

Llena sus rostros de vergüenza; y busquen tu nombre, oh Jehová.

17 Marotũũra maconokete na marĩ amaku; marokua na gĩconoko kĩnene.

Sean afrentados y turbados para siempre; y sean deshonrados, y perezcan.

18 Tũma mamenye atĩ Wee, o Wee wĩtagwo Jehova, atĩ Wee nĩwe Ũrĩa-ũrĩ-Igũrũ-Mũno, o igũrũ rĩa thĩ yothe.

Y conozcan que tu nombre es JEHOVÁ; tú solo Altísimo sobre toda la tierra.