Thaburi 83
1 Thaburi ya Asafu Wee Ngai-rĩ, ndũgakire; tiga gũikara ũtumĩtie, Wee Mũrungu, ndũgaikare wĩnyiitanĩirie.
| שיר מזמור לאסף ב אלהים אל-דמי-לך אל-תחרש ואל-תשקט אל |
2 Ta rora wone ũrĩa thũ ciaku iranegena, acio magũthũire makambararia mĩtwe yao.
| כי-הנה אויביך יהמיון ומשנאיך נשאו ראש |
3 Mathugundaga ndundu ya gũũkĩrĩra andũ aku na wara; maciiragĩrĩra gũũkĩrĩra andũ arĩa wendete.
| על-עמך יערימו סוד ויתיעצו על-צפוניך |
4 Meranaga atĩrĩ, “Ũkai, tũmaniine matige gũtuĩka rũrĩrĩ, nĩguo rĩĩtwa rĩa Isiraeli rĩtikanacooke kũririkanwo rĩngĩ.”
| אמרו--לכו ונכחידם מגוי ולא-יזכר שם-ישראל עוד |
5 Maciiraga marĩ na ngoro ĩmwe; maiguithanagĩria magũũkĩrĩre:
| כי נועצו לב יחדו עליך ברית יכרתו |
6 andũ a hema cia Edomu, na cia Aishumaeli, na cia Moabi, na cia Ahagari,
| אהלי אדום וישמעאלים מואב והגרים |
7 na cia Gebali, na cia Amoni, na cia Amaleki, na cia Filistia, hamwe na andũ a Turo.
| גבל ועמון ועמלק פלשת עם-ישבי צור |
8 O na Ashuri nĩmegwatanĩtie nao nĩguo mateithĩrĩrie njiaro cia Loti.
| גם-אשור נלוה עמם היו זרוע לבני-לוט סלה |
9 Meeke o ta ũrĩa wekire Amidiani, na o ta ũrĩa wekire Sisera na Jabini rũũĩ-inĩ rwa Kishoni,
| עשה-להם כמדין כסיסרא כיבין בנחל קישון |
10 o acio maaniinĩirwo Enidoru, na magĩtuĩka ta thumu wa kũnoria tĩĩri.
| נשמדו בעין-דאר היו דמן לאדמה |
11 Tũma andũ ao arĩa marĩ igweta mahaane ta Orebu na Zeebu, anene ao othe ũmahaananie na Zeba na Zalimuna,
| שיתמו נדיבימו כערב וכזאב וכזבח וכצלמנע כל-נסיכימו |
12 arĩa moigire atĩrĩ, “Nĩtwĩgwatĩrei bũrũri wa ũrĩithio wa Ngai ũtuĩke witũ.”
| אשר אמרו נירשה לנו-- את נאות אלהים |
13 Wee Ngai wakwa, matue ta rũkũngũ rũrĩa rũgũrũkagio, mahaane o ta mũũngũ ũmbũrĩtwo nĩ rũhuho.
| אלהי שיתמו כגלגל כקש לפני-רוח |
14 O ta ũrĩa mwaki ũcinaga mũtitũ kana ta rũrĩrĩmbĩ rũgĩcina irĩma-rĩ,
| כאש תבער-יער וכלהבה תלהט הרים |
15 maingatithie o ro ũguo na kĩhuhũkanio gĩaku, na ũmamakie mũno na huho ciaku nene.
| כן תרדפם בסערך ובסופתך תבהלם |
16 Humba mothiũ mao thoni, nĩgeetha andũ marongorie rĩĩtwa rĩaku, Wee Jehova.
| מלא פניהם קלון ויבקשו שמך יהוה |
17 Marotũũra maconokete na marĩ amaku; marokua na gĩconoko kĩnene.
| יבשו ויבהלו עדי-עד ויחפרו ויאבדו |
18 Tũma mamenye atĩ Wee, o Wee wĩtagwo Jehova, atĩ Wee nĩwe Ũrĩa-ũrĩ-Igũrũ-Mũno, o igũrũ rĩa thĩ yothe.
| וידעו-- כי-אתה שמך יהוה לבדך עליון על-כל-הארץ |
