Thaburi 67

1 Rwĩmbo rwa Thaburi Ngai arotũkinyĩria wega wake, na atũrathime, na atũme ũthiũ wake ũtwarĩre,

God be merciful unto us, and bless us; and cause his face to shine upon us; (Selah)

2 nĩguo njĩra ciaku imenyeke gũkũ thĩ, ũhonokio waku ũmenywo nĩ ndũrĩrĩ ciothe.

That your way may be known upon earth, your saving health among all nations.

3 Andũ marokũgooca, Wee Ngai; andũ othe marogũkumia.

Let the people praise you, O God; let all the people praise you.

4 Ndũrĩrĩ nĩicanjamũke na cikũinĩre nĩ gũkena, nĩgũkorwo wathaga andũ na kĩhooto, na ũgatongoria ndũrĩrĩ iria irĩ gũkũ thĩ.

O let the nations be glad and sing for joy: for you shall judge the people righteously, and govern the nations upon earth. (Selah)

5 Andũ marokũgooca, Wee Ngai; andũ othe marogũkumia.

Let the people praise you, O God; let all the people praise you.

6 Hĩndĩ ĩyo bũrũri nĩũkaruta magetha maguo, na Ngai, o we Ngai witũ, nĩagatũrathima.

Then shall the earth yield her increase; and God, even our own God, shall bless us.

7 Ngai nĩagatũrathima, nacio ituri ciothe cia thĩ nĩikamwĩtigĩra.

God shall bless us; and all the ends of the earth shall fear him.