Thaburi 33
1 Inĩrai Jehova mũkenete, inyuĩ andũ arĩa athingu; andũ arĩa arũngĩrĩru ngoro nĩo maagĩrĩirwo nĩkũmũgooca.
| רננו צדיקים ביהוה לישרים נאוה תהלה׃ |
2 Goocai Jehova na kĩnanda kĩa mũgeeto; mũinĩrei na kĩnanda kĩrĩa kĩgeete na nga ikũmi.
| הודו ליהוה בכנור בנבל עשור זמרו לו׃ |
3 Mũinĩrei rwĩmbo rwerũ; hũũrai inanda mũrĩ na ũũgĩ, na mwanĩrĩre nĩ gũkena.
| שירו לו שיר חדש היטיבו נגן בתרועה׃ |
4 Nĩgũkorwo kiugo kĩa Jehova nĩkĩerekereru na nĩ kĩa ma; we nĩ mwĩhokeku maũndũ-inĩ mothe marĩa ekaga.
| כי ישר דבר יהוה וכל מעשהו באמונה׃ |
5 Jehova nĩendete ũthingu na ciira wa kĩhooto; thĩ yothe ĩiyũrĩte wendani wake ũrĩa ũtathiraga.
| אהב צדקה ומשפט חסד יהוה מלאה הארץ׃ |
6 Igũrũ rĩombirwo na ũndũ wa kiugo kĩa Jehova, mbũtũ cia igũrũ ikĩũmbwo na mĩhũmũ ya kanua gake.
| בדבר יהוה שמים נעשו וברוח פיו כל צבאם׃ |
7 Aacookanĩrĩirie maaĩ ma iria inene ndigithũ-inĩ; maaĩ ma kũrĩa kũriku aamaigire thĩinĩ wa makũmbĩ.
| כנס כנד מי הים נתן באצרות תהומות׃ |
8 Thĩ yothe nĩĩtigĩre Jehova; andũ othe a thĩ nĩmamũtĩĩe.
| ייראו מיהוה כל הארץ ממנו יגורו כל ישבי תבל׃ |
9 Nĩgũkorwo aaririe, thĩ ĩkĩgĩa kuo; aathanire, ĩkĩĩhaanda, ĩkĩrũma wega.
| כי הוא אמר ויהי הוא צוה ויעמד׃ |
10 Jehova nĩarigiicaga mĩbango ya ndũrĩrĩ; nĩathũkagia mĩoroto ya andũ.
| יהוה הפיר עצת גוים הניא מחשבות עמים׃ |
11 No mĩbango ya Jehova ĩĩhaandaga wega nginya tene, mĩoroto ya ngoro yake ĩgakinyĩra njiarwa na njiarwa.
| עצת יהוה לעולם תעמד מחשבות לבו לדר ודר׃ |
12 Kũrathimwo-rĩ, nĩ rũrĩrĩ rũrĩa Jehova arĩ we Ngai waruo, andũ arĩa eethuurĩire matuĩke igai rĩake.
| אשרי הגוי אשר יהוה אלהיו העם בחר לנחלה לו׃ |
13 Jehova arĩ igũrũ aroraga thĩ akoona andũ othe;
| משמים הביט יהוה ראה את כל בני האדם׃ |
14 acũthagĩrĩria arĩa othe matũũraga gũkũ thĩ, arĩ o kũu gĩikaro-inĩ gĩake,
| ממכון שבתו השגיח אל כל ישבי הארץ׃ |
15 we nĩwe mũũmbi wa ngoro ciao othe, na nĩoĩ mawĩra mao mothe.
| היצר יחד לבם המבין אל כל מעשיהם׃ |
16 Gũtirĩ mũthamaki ũhonokagio nĩ mũigana wa ita rĩake, na gũtirĩ njamba ya ita ĩĩteithũraga nĩ ũndũ wa hinya wayo mũnene.
| אין המלך נושע ברב חיל גבור לא ינצל ברב כח׃ |
17 Ha ũhoro wa kũhonokania-rĩ, mbarathi cia mbaara nĩ mwĩhoko wa tũhũ; o na ĩrĩ na hinya mũingĩ ndĩngĩhonokania.
| שקר הסוס לתשועה וברב חילו לא ימלט׃ |
18 No rĩrĩ, maitho ma Jehova macũthagĩrĩria andũ arĩa mamwĩtigagĩra, o acio maikaraga mehokete wendo wake ũrĩa ũtathiraga,
| הנה עין יהוה אל יראיו למיחלים לחסדו׃ |
19 akamateithũra gĩkuũ-inĩ, na akamatũũria muoyo hĩndĩ ya ngʼaragu.
| להציל ממות נפשם ולחיותם ברעב׃ |
20 Ithuĩ twetagĩrĩra Jehova tũrĩ na mwĩhoko; nĩwe ũteithio witũ o na ngo iitũ.
| נפשנו חכתה ליהוה עזרנו ומגננו הוא׃ |
21 Ngoro ciitũ nĩcikenete nĩ ũndũ wake, nĩgũkorwo twĩhokete rĩĩtwa rĩake itheru.
| כי בו ישמח לבנו כי בשם קדשו בטחנו׃ |
22 Wee Jehova-rĩ, wendo waku ũrĩa ũtathiraga ũroikarania na ithuĩ, o ta ũrĩa ithuĩ tũkwĩrĩgĩrĩire.
| יהי חסדך יהוה עלינו כאשר יחלנו לך׃ |
