Thaburi 29

1 Thaburi ya Daudi Rahai Jehova, inyuĩ ciũmbe cia igũrũ, rahai Jehova tondũ nĩwe ũrĩ riiri na hinya.

[A Psalm by David.] Ascribe to YHWH, you sons of the mighty, ascribe to YHWH glory and strength.

2 Rahai Jehova, mũheane ũhoro wa riiri wa rĩĩtwa rĩake; thathaiyai Jehova thĩinĩ wa ũkengi wa ũthingu wake.

Ascribe to YHWH the glory due to his name. Worship YHWH in holy array.

3 Mũgambo wa Jehova ũragamba na kũu iria-inĩ; Mũrungu ũcio wa riiri nĩararuruma, Jehova araruruma igũrũ rĩa maaĩ maingĩ.

The voice of YHWH is on the waters. The God of glory thunders, even YHWH on many waters.

4 Mũgambo wa Jehova nĩ ũrĩ ũhoti; mũgambo wa Jehova ũiyũrĩte riiri.

The voice of YHWH is powerful. The voice of YHWH is full of majesty.

5 Mũgambo wa Jehova unangaga mĩtarakwa; Jehova oinangaga mĩtarakwa ya Lebanoni ĩgatuĩka tũcunjĩ.

The voice of YHWH breaks the cedars. Yes, YHWH breaks in pieces the cedars of Lebanon.

6 Atũmaga bũrũri wa Lebanoni ũtũũhe ta njaũ, nakĩo Kĩrĩma gĩa Sirioni gĩgatũũha ta njaũ ya mbogo.

He makes them also to skip like a calf; Lebanon and Sirion like a young, wild ox.

7 Mũgambo wa Jehova ũhenũkaga nĩnĩmbĩ cia mwaki.

The voice of YHWH strikes with flashes of lightning.

8 Mũgambo wa Jehova ũinainagia werũ; Jehova ainainagia Werũ wa Kadeshi.

The voice of YHWH shakes the wilderness. YHWH shakes the wilderness of Kadesh.

9 Mũgambo wa Jehova ũthioraga mĩtĩ ya mĩgandi, na ũgatũma mĩtitũ ĩhũrũrũke ĩgatigwo ũtheri. Nakuo hekarũ-inĩ yake arĩa othe marĩ kuo makaanĩrĩra makoiga, “Kaĩ arĩ riiri-ĩ!”

The voice of YHWH makes the large trees tremble, and strips the forests bare. In his temple everything says, "Glory."

10 Jehova arĩ igũrũ rĩa mũiyũro wa maaĩ aikarĩire gĩtĩ kĩa ũnene; Jehova egũtũũra aikarĩire gĩtĩ kĩa ũnene arĩ Mũthamaki nginya tene.

YHWH sat enthroned at the Flood. Yes, YHWH sits as King forever.

11 Jehova aheaga andũ ake hinya; Jehova arathimaga andũ ake magaikara na thayũ.

YHWH will give strength to his people. YHWH will bless his people with peace.