Thaburi 29

1 Thaburi ya Daudi Rahai Jehova, inyuĩ ciũmbe cia igũrũ, rahai Jehova tondũ nĩwe ũrĩ riiri na hinya.

[A Psalm by David.] Ascribe to the LORD, you sons of the mighty, ascribe to the LORD glory and strength.

2 Rahai Jehova, mũheane ũhoro wa riiri wa rĩĩtwa rĩake; thathaiyai Jehova thĩinĩ wa ũkengi wa ũthingu wake.

Ascribe to the LORD the glory due to his name. Worship the LORD in holy array.

3 Mũgambo wa Jehova ũragamba na kũu iria-inĩ; Mũrungu ũcio wa riiri nĩararuruma, Jehova araruruma igũrũ rĩa maaĩ maingĩ.

The voice of the LORD is on the waters. The God of glory thunders, even the LORD on many waters.

4 Mũgambo wa Jehova nĩ ũrĩ ũhoti; mũgambo wa Jehova ũiyũrĩte riiri.

The voice of the LORD is powerful. The voice of the LORD is full of majesty.

5 Mũgambo wa Jehova unangaga mĩtarakwa; Jehova oinangaga mĩtarakwa ya Lebanoni ĩgatuĩka tũcunjĩ.

The voice of the LORD breaks the cedars. Yes, the LORD breaks in pieces the cedars of Lebanon.

6 Atũmaga bũrũri wa Lebanoni ũtũũhe ta njaũ, nakĩo Kĩrĩma gĩa Sirioni gĩgatũũha ta njaũ ya mbogo.

He makes them also to skip like a calf; Lebanon and Sirion like a young, wild ox.

7 Mũgambo wa Jehova ũhenũkaga nĩnĩmbĩ cia mwaki.

The voice of the LORD strikes with flashes of lightning.

8 Mũgambo wa Jehova ũinainagia werũ; Jehova ainainagia Werũ wa Kadeshi.

The voice of the LORD shakes the wilderness. The LORD shakes the wilderness of Kadesh.

9 Mũgambo wa Jehova ũthioraga mĩtĩ ya mĩgandi, na ũgatũma mĩtitũ ĩhũrũrũke ĩgatigwo ũtheri. Nakuo hekarũ-inĩ yake arĩa othe marĩ kuo makaanĩrĩra makoiga, “Kaĩ arĩ riiri-ĩ!”

The voice of the LORD makes the large trees tremble, and strips the forests bare. In his temple everything says, "Glory."

10 Jehova arĩ igũrũ rĩa mũiyũro wa maaĩ aikarĩire gĩtĩ kĩa ũnene; Jehova egũtũũra aikarĩire gĩtĩ kĩa ũnene arĩ Mũthamaki nginya tene.

The LORD sat enthroned at the Flood. Yes, the LORD sits as King forever.

11 Jehova aheaga andũ ake hinya; Jehova arathimaga andũ ake magaikara na thayũ.

The LORD will give strength to his people. The LORD will bless his people with peace.