Thaburi 26

1 Thaburi ya Daudi Wee Jehova, nduĩra itua rĩa kĩhooto, nĩgũkorwo mĩthiĩre yakwa nĩmĩkindĩrĩku; ndũũrĩte ndĩhokete Jehova itegũthangania.

A psalm of David. Defend me, O Lord, for my walk has been blameless; in the Lord have I trusted unswervingly:

2 Wee Jehova, ngeria na ũndorie, tuĩria ngoro yakwa o na meciiria makwa;

Examine me, Lord, and test me; test my heart and my mind.

3 nĩgũkorwo wendo waku ũkoragwo ũrĩ mbere yakwa, na ngeragĩra njĩra-inĩ yaku ya ũhoro wa ma.

For your love is before my eyes, and your faithfulness governs my way.

4 Ndiikaranagia na andũ a maheeni, o na kana ngagwatanĩra na andũ arĩa marĩ ũhinga.

I never sat down with the worthless, nor companied with dissemblers.

5 Nĩthũire kĩũngano kĩa andũ arĩa mekaga ũũru, na ngarega gũikarania na andũ arĩa aaganu.

I hate the assembly of knaves, I would never sit down with the wicked;

6 Ngwĩthamba moko nyonanie ndirĩ na mahĩtia, thiũrũrũke kĩgongona gĩaku, Wee Jehova,

but, with hands washed in innocence, I would march round your altar, O Lord,

7 nyine nyanĩrĩire rwĩmbo rwa gũcookia ngaatho, na heane ũhoro wa ciĩko ciaku ciothe cia magegania.

singing loud songs of thanks, and telling of all your wonders.

8 Wee Jehova, nĩnyendete nyũmba ĩrĩa ũtũũraga, o handũ harĩa riiri waku ũikaraga.

O Lord, I love your house, the place where your glory lives.

9 Ndũkeherie ngoro yakwa hamwe na ya arĩa mehagia, kana muoyo wakwa hamwe na wa andũ arĩa maitaga thakame,

Do not gather me up with sinners; slay me not with people of blood,

10 arĩa marĩ na maũndũ ma waganu moko-inĩ mao, o arĩa moko mao ma ũrĩo maiyũrĩte mahaki.

whose hands are stained with villainy, and whose right hand is filled with bribes.

11 No niĩ-rĩ, ndũũraga mũtũũrĩre ũtarĩ ũcuuke; kĩngũũre na ũnjiguĩre tha.

But my walk is blameless! O redeem me, be gracious to me.

12 Magũrũ makwa marũgamĩte handũ harĩa haigananu; nĩndĩrĩgoocaga Jehova ndĩ kĩũngano-inĩ kĩnene.

My foot stands on even ground, in the choirs I will bless the Lord.