Thaburi 26

1 Thaburi ya Daudi Wee Jehova, nduĩra itua rĩa kĩhooto, nĩgũkorwo mĩthiĩre yakwa nĩmĩkindĩrĩku; ndũũrĩte ndĩhokete Jehova itegũthangania.

“Of David.” Judge me, O Lord; for I have indeed walked in my integrity: and in the Lord have I trusted; I shall not slip.

2 Wee Jehova, ngeria na ũndorie, tuĩria ngoro yakwa o na meciiria makwa;

Try me, O Lord, and prove me; purify my reins and my heart.

3 nĩgũkorwo wendo waku ũkoragwo ũrĩ mbere yakwa, na ngeragĩra njĩra-inĩ yaku ya ũhoro wa ma.

For thy kindness is before my eyes; and I have walked in thy truth.

4 Ndiikaranagia na andũ a maheeni, o na kana ngagwatanĩra na andũ arĩa marĩ ũhinga.

I have not sat with men of falsehood, and with dissemblers will I not enter [in communion].

5 Nĩthũire kĩũngano kĩa andũ arĩa mekaga ũũru, na ngarega gũikarania na andũ arĩa aaganu.

I have hated the assemblage of evil-doers; and with the wicked will I not sit.

6 Ngwĩthamba moko nyonanie ndirĩ na mahĩtia, thiũrũrũke kĩgongona gĩaku, Wee Jehova,

I will wash in innocency my hands, and I will compass thy altar, O Lord:

7 nyine nyanĩrĩire rwĩmbo rwa gũcookia ngaatho, na heane ũhoro wa ciĩko ciaku ciothe cia magegania.

That I may publish with a loud voice [my] thanksgiving, and relate all thy wondrous deeds.

8 Wee Jehova, nĩnyendete nyũmba ĩrĩa ũtũũraga, o handũ harĩa riiri waku ũikaraga.

Lord, I love the site of thy house, and the place where thy glory dwelleth.

9 Ndũkeherie ngoro yakwa hamwe na ya arĩa mehagia, kana muoyo wakwa hamwe na wa andũ arĩa maitaga thakame,

Take not away with sinners my soul, nor with men of blood my life;

10 arĩa marĩ na maũndũ ma waganu moko-inĩ mao, o arĩa moko mao ma ũrĩo maiyũrĩte mahaki.

In whose hands are wicked devices, and whose right hand is full of bribes.

11 No niĩ-rĩ, ndũũraga mũtũũrĩre ũtarĩ ũcuuke; kĩngũũre na ũnjiguĩre tha.

But as for me, I will walk in my integrity: redeem me, and be gracious unto me.

12 Magũrũ makwa marũgamĩte handũ harĩa haigananu; nĩndĩrĩgoocaga Jehova ndĩ kĩũngano-inĩ kĩnene.

My foot standeth on an even place: in assemblies will I bless the Lord.