Thaburi 26

1 Thaburi ya Daudi Wee Jehova, nduĩra itua rĩa kĩhooto, nĩgũkorwo mĩthiĩre yakwa nĩmĩkindĩrĩku; ndũũrĩte ndĩhokete Jehova itegũthangania.

A psalm of David. Confirm that I'm innocent, Lord, for I have acted with integrity, and I have trusted in the Lord without fail.

2 Wee Jehova, ngeria na ũndorie, tuĩria ngoro yakwa o na meciiria makwa;

Examine me, Lord, test me; investigate my thoughts and intentions.

3 nĩgũkorwo wendo waku ũkoragwo ũrĩ mbere yakwa, na ngeragĩra njĩra-inĩ yaku ya ũhoro wa ma.

For I always remember your trustworthy love, and I follow your truth.

4 Ndiikaranagia na andũ a maheeni, o na kana ngagwatanĩra na andũ arĩa marĩ ũhinga.

I don't join in with liars and I don't associate with hypocrites.

5 Nĩthũire kĩũngano kĩa andũ arĩa mekaga ũũru, na ngarega gũikarania na andũ arĩa aaganu.

I refuse to get together with those who do evil, and I won't involve myself with the wicked.

6 Ngwĩthamba moko nyonanie ndirĩ na mahĩtia, thiũrũrũke kĩgongona gĩaku, Wee Jehova,

I wash my hands to show my innocence. I come to worship at your altar, Lord,

7 nyine nyanĩrĩire rwĩmbo rwa gũcookia ngaatho, na heane ũhoro wa ciĩko ciaku ciothe cia magegania.

singing my thanks, telling of all the wonderful things you have done.

8 Wee Jehova, nĩnyendete nyũmba ĩrĩa ũtũũraga, o handũ harĩa riiri waku ũikaraga.

Lord, I love your house, the place where you live in your glory.

9 Ndũkeherie ngoro yakwa hamwe na ya arĩa mehagia, kana muoyo wakwa hamwe na wa andũ arĩa maitaga thakame,

Please don't sweep me away along with sinners. Don't include me with those who commit murder,

10 arĩa marĩ na maũndũ ma waganu moko-inĩ mao, o arĩa moko mao ma ũrĩo maiyũrĩte mahaki.

whose hands carry out their evil schemes and grab hold of bribes.

11 No niĩ-rĩ, ndũũraga mũtũũrĩre ũtarĩ ũcuuke; kĩngũũre na ũnjiguĩre tha.

For I don't do that—I act with integrity. Save me and be gracious to me!

12 Magũrũ makwa marũgamĩte handũ harĩa haigananu; nĩndĩrĩgoocaga Jehova ndĩ kĩũngano-inĩ kĩnene.

I stand for what's right, and I will praise the Lord when we meet together to worship him.