Thaburi 24

1 Thaburi ya Daudi Thĩ nĩ ya Jehova, na kĩrĩa gĩothe kĩrĩ thĩinĩ wayo, mabũrũri mothe o na arĩa matũũraga kuo;

“A psalm of David.” The earth is the LORD'S, and all that is therein; The world, and they who inhabit it.

2 nĩgũkorwo nĩwe waakire mũthingi wayo igũrũ rĩa maria, na akĩmĩrũmia ĩikare igũrũ rĩa maaĩ.

For he hath founded it upon the seas, And established it upon the floods.

3 Nũũ ũngĩambata kĩrĩma-inĩ kĩa Jehova? Nũũ ũngĩrũgama handũ harĩa hake haamũre?

Who shall ascend the hill of the LORD? And who shall stand in his holy place?

4 Nĩ mũndũ ũrĩa ũrĩ na moko matheru na akaaga ũũru ngoro, na ũrĩa ngoro yake ĩtahooyaga mũhianano, o na kana akeehĩta na maheeni.

He that hath clean hands and a pure heart; Who hath not inclined his soul to falsehood, Nor sworn deceitfully.

5 Mũndũ ũcio nĩarĩamũkagĩra kĩrathimo kuuma kũrĩ Jehova, na onagwo atarĩ mũhĩtia nĩ Ngai, Mũhonokia wake.

He shall receive a blessing from the LORD, And favor from the God of his salvation.

6 Ũguo nĩguo rũciaro rwa arĩa mamũrongoragia rũtariĩ, o rũrĩa rũrongoragia ũthiũ waku, Wee Ngai wa Jakubu.

This is the race of them that seek him; They that seek thy face are Jacob. (Pause)

7 Ambarariai mĩtwe yanyu, inyuĩ ihingo ici, ambararioi inyuĩ mĩrango ĩno ya tene, nĩguo Mũthamaki wa riiri atoonye thĩinĩ.

Lift up your heads, O ye gates! Lift yourselves up, ye everlasting doors, That the king of glory may come in!

8 Mũthamaki ũcio wa riiri nĩwe ũũ? Nĩwe Jehova ũrĩa ũrĩ hinya na nĩ njamba, nĩwe Jehova ũrĩa njamba ita-inĩ.

“Who is this king of glory?” Jehovah, strong and mighty; Jehovah, mighty in battle.

9 Ambarariai mĩtwe yanyu, inyuĩ ihingo ici, mĩambarariei inyuĩ mĩrango ĩno ya tene, nĩguo Mũthamaki wa riiri atoonye thĩinĩ.

Lift up your heads, O ye gates! Lift yourselves up, ye everlasting doors, That the king of glory may enter in!

10 Mũthamaki ũcio wa riiri nĩwe ũ? Jehova Mwene-Hinya-Wothe-rĩ, nĩwe Mũthamaki wa riiri.

“Who is this king of glory?” Jehovah, God of hosts, he is the king of glory. (Pause)