Thaburi 24

1 Thaburi ya Daudi Thĩ nĩ ya Jehova, na kĩrĩa gĩothe kĩrĩ thĩinĩ wayo, mabũrũri mothe o na arĩa matũũraga kuo;

A Psalm by David. The earth is the LORD’s, with its fullness; the world, and those who dwell in it.

2 nĩgũkorwo nĩwe waakire mũthingi wayo igũrũ rĩa maria, na akĩmĩrũmia ĩikare igũrũ rĩa maaĩ.

For he has founded it on the seas, and established it on the floods.

3 Nũũ ũngĩambata kĩrĩma-inĩ kĩa Jehova? Nũũ ũngĩrũgama handũ harĩa hake haamũre?

Who may ascend to the LORD’s hill? Who may stand in his holy place?

4 Nĩ mũndũ ũrĩa ũrĩ na moko matheru na akaaga ũũru ngoro, na ũrĩa ngoro yake ĩtahooyaga mũhianano, o na kana akeehĩta na maheeni.

He who has clean hands and a pure heart; who has not lifted up his soul to falsehood, and has not sworn deceitfully.

5 Mũndũ ũcio nĩarĩamũkagĩra kĩrathimo kuuma kũrĩ Jehova, na onagwo atarĩ mũhĩtia nĩ Ngai, Mũhonokia wake.

He shall receive a blessing from the LORD, righteousness from the God of his salvation.

6 Ũguo nĩguo rũciaro rwa arĩa mamũrongoragia rũtariĩ, o rũrĩa rũrongoragia ũthiũ waku, Wee Ngai wa Jakubu.

This is the generation of those who seek Him, who seek your face—even Jacob. (Selah)

7 Ambarariai mĩtwe yanyu, inyuĩ ihingo ici, ambararioi inyuĩ mĩrango ĩno ya tene, nĩguo Mũthamaki wa riiri atoonye thĩinĩ.

Lift up your heads, you gates! Be lifted up, you everlasting doors, and the King of glory will come in.

8 Mũthamaki ũcio wa riiri nĩwe ũũ? Nĩwe Jehova ũrĩa ũrĩ hinya na nĩ njamba, nĩwe Jehova ũrĩa njamba ita-inĩ.

Who is the King of glory? The LORD strong and mighty, the LORD mighty in battle.

9 Ambarariai mĩtwe yanyu, inyuĩ ihingo ici, mĩambarariei inyuĩ mĩrango ĩno ya tene, nĩguo Mũthamaki wa riiri atoonye thĩinĩ.

Lift up your heads, you gates; yes, lift them up, you everlasting doors, and the King of glory will come in.

10 Mũthamaki ũcio wa riiri nĩwe ũ? Jehova Mwene-Hinya-Wothe-rĩ, nĩwe Mũthamaki wa riiri.

Who is this King of glory? The LORD of Armies is the King of glory! (Selah)