Thaburi 149

1 Goocai Jehova. Inĩrai Jehova rwĩmbo rwerũ, mũmũgooce mũrĩ kĩũngano-inĩ kĩa arĩa aamũre.

Alleluja. Cantate Domino canticum novum; laus ejus in ecclesia sanctorum.

2 Andũ a Isiraeli nĩmakenere ũcio wamombire; andũ a Zayuni nĩmacanjamũke nĩ ũndũ wa Mũthamaki wao.

Lætetur Israël in eo qui fecit eum, et filii Sion exsultent in rege suo.

3 Nĩmagooce rĩĩtwa rĩake makĩrũgarũgaga, na mamũinĩre na tũhembe, na kĩnanda kĩa mũgeeto.

Laudent nomen ejus in choro; in tympano et psalterio psallant ei.

4 Nĩgũkorwo Jehova nĩakenagio nĩ andũ ake; andũ arĩa ahooreri amahumbaga thũmbĩ ya ũhonokio.

Quia beneplacitum est Domino in populo suo, et exaltabit mansuetos in salutem.

5 Andũ arĩa aamũre nĩmakenere gĩtĩĩo kĩu, na maine macanjamũkĩte marĩ o marĩrĩ-inĩ mao.

Exsultabunt sancti in gloria; lætabuntur in cubilibus suis.

6 Ũgooci wa Mũrungu ũrokorwo tũnua-inĩ twao, na rũhiũ rwa njora rũnoore mĩena yeerĩ rũkorwo moko-inĩ mao,

Exaltationes Dei in gutture eorum, et gladii ancipites in manibus eorum:

7 nĩguo meerĩhĩrie harĩ ndũrĩrĩ, na maherithie kĩrĩndĩ gĩa thĩ,

ad faciendam vindictam in nationibus, increpationes in populis;

8 nĩguo moohe athamaki ao na mĩnyororo, na moohe andũ ao arĩa marĩ igweta na bĩngũ cia kĩgera,

ad alligandos reges eorum in compedibus, et nobiles eorum in manicis ferreis;

9 nĩguo mamakinyĩrie ituĩro rĩrĩa mandĩkĩirwo. Ũcio nĩguo riiri wa andũ ake othe arĩa aamũre. Goocai Jehova.

ut faciant in eis judicium conscriptum: gloria hæc est omnibus sanctis ejus. Alleluja.