Thaburi 149

1 Goocai Jehova. Inĩrai Jehova rwĩmbo rwerũ, mũmũgooce mũrĩ kĩũngano-inĩ kĩa arĩa aamũre.

Praise Yahweh. Sing to Yahweh a new song; sing his praise in the assembly of the faithful ones.

2 Andũ a Isiraeli nĩmakenere ũcio wamombire; andũ a Zayuni nĩmacanjamũke nĩ ũndũ wa Mũthamaki wao.

Let Israel rejoice in the one who made them; let the people of Zion rejoice in their king.

3 Nĩmagooce rĩĩtwa rĩake makĩrũgarũgaga, na mamũinĩre na tũhembe, na kĩnanda kĩa mũgeeto.

Let them praise his name with dancing; let them sing praises to him with tambourine and harp.

4 Nĩgũkorwo Jehova nĩakenagio nĩ andũ ake; andũ arĩa ahooreri amahumbaga thũmbĩ ya ũhonokio.

For Yahweh takes pleasure in his people; he glorifies the humble with salvation.

5 Andũ arĩa aamũre nĩmakenere gĩtĩĩo kĩu, na maine macanjamũkĩte marĩ o marĩrĩ-inĩ mao.

Let the godly rejoice in victory; let them sing for joy on their beds.

6 Ũgooci wa Mũrungu ũrokorwo tũnua-inĩ twao, na rũhiũ rwa njora rũnoore mĩena yeerĩ rũkorwo moko-inĩ mao,

May the praises of God be in their mouths and a two-edged sword in their hand

7 nĩguo meerĩhĩrie harĩ ndũrĩrĩ, na maherithie kĩrĩndĩ gĩa thĩ,

to execute vengeance on the nations and acts of punishment on the peoples.

8 nĩguo moohe athamaki ao na mĩnyororo, na moohe andũ ao arĩa marĩ igweta na bĩngũ cia kĩgera,

They will bind their kings with chains and their nobles with iron shackles.

9 nĩguo mamakinyĩrie ituĩro rĩrĩa mandĩkĩirwo. Ũcio nĩguo riiri wa andũ ake othe arĩa aamũre. Goocai Jehova.

They will execute the judgment that is written. This will be an honor for all his faithful ones. Praise Yahweh.