Thaburi 149

1 Goocai Jehova. Inĩrai Jehova rwĩmbo rwerũ, mũmũgooce mũrĩ kĩũngano-inĩ kĩa arĩa aamũre.

Praise ye the LORD! Sing unto the LORD a new song; His praise in the assembly of the godly!

2 Andũ a Isiraeli nĩmakenere ũcio wamombire; andũ a Zayuni nĩmacanjamũke nĩ ũndũ wa Mũthamaki wao.

Let Israel rejoice in him that made him; Let the sons of Zion be joyful in their king!

3 Nĩmagooce rĩĩtwa rĩake makĩrũgarũgaga, na mamũinĩre na tũhembe, na kĩnanda kĩa mũgeeto.

Let them praise his name in the dance; Let them praise him with the timbrel and harp!

4 Nĩgũkorwo Jehova nĩakenagio nĩ andũ ake; andũ arĩa ahooreri amahumbaga thũmbĩ ya ũhonokio.

For the LORD taketh pleasure in his people; He will beautify the distressed with salvation.

5 Andũ arĩa aamũre nĩmakenere gĩtĩĩo kĩu, na maine macanjamũkĩte marĩ o marĩrĩ-inĩ mao.

Let the godly-rejoice in their glory; Let them shout for joy upon their beds!

6 Ũgooci wa Mũrungu ũrokorwo tũnua-inĩ twao, na rũhiũ rwa njora rũnoore mĩena yeerĩ rũkorwo moko-inĩ mao,

Let the praises of God be in their mouth, And a two-edged sword in their hand,

7 nĩguo meerĩhĩrie harĩ ndũrĩrĩ, na maherithie kĩrĩndĩ gĩa thĩ,

To execute vengeance upon the nations, And punishment upon the peoples!

8 nĩguo moohe athamaki ao na mĩnyororo, na moohe andũ ao arĩa marĩ igweta na bĩngũ cia kĩgera,

To bind their kings with chains. And their nobles with fetters of iron;

9 nĩguo mamakinyĩrie ituĩro rĩrĩa mandĩkĩirwo. Ũcio nĩguo riiri wa andũ ake othe arĩa aamũre. Goocai Jehova.

To execute upon them the sentence which is written: This honor have all his godly ones. Praise ye the LORD!